今日一早起身,細妹就發我脾氣... ...

我只不過想俾佢訓多一陣先6:30先叫佢起身姐,咁都有錯咩?!一起身就俾佢話... ...

佢之後又問我要錢,我有零用o個時已經將我D零用俾晒佢,

現家我都冇錢啦,佢竟然叫我將我D食飯錢俾埋佢... ...

我唔俾佢又係到用晒粗口咁鬧我... ...

我真係唔知佢當我係佢邊個lor~提款機?!定係一個會俾錢佢用o既工人呀?!

點解次次就只有我為佢著想,佢點解就唔諗下我?!

唔通佢要用錢,我就唔使用咩?!現家有咩,我都用我自己D食飯錢買,

好似洗頭水咁,我俾錢,佢就用... ...次次,個個月都係咁... ...

我到底係佢邊個!?我從來都唔覺得我係佢家姐lor... ...

佢有咩問題就搵我解決... ...

冇錢,問我要... ...要約邊個邊個,我約... ...問老豆要錢,又係我問... ...

有時我真係覺得我似隻狗多過似個人lor!!

點解佢可以咁樣對我?!次次係女童院出黎,都話會對我好,會對我好,

但係事實呢?!只會係一次比一次對我差... ...

本來諗住細妹出番黎,我會過番D有人同我分擔唔開心o既事o既日子啦~

點知唔係... ...而係過住一D非人o既生活... ...

我真係唔想成日都俾佢騎住... ...我好想反抗... ...

但係次次都唔得... ...唔通我就注定成世都係俾人使o個個?!