今個禮拜太忙了,要做兩套話劇∼

第一套係４社話劇，雖然唔係好鍾意個劇本，但個個都好認真去演．

愈來愈覺得我地學校既同學好好，個樣雖然好衰，又唔讀書，

但佢地其實好單純，把口話唔做，但你真係需要幫手既時候，佢地一定會支持，

好似之前萬聖節，我地開攤位，叫Ｄ男仔過黎比我地畫手，佢地又真係肯，真係好可愛ＸＤ

講返話劇比賽，我地樂社拎左第一，好開心！！

第二場係劇社去兆基演出，真係排得好辛苦．．．

呢套劇好難排，燈光音效都執得好正，個導演係校友，

佢可以玩得好ｄｉｎ，但脾氣都幾大，幾乎台前幕後都比佢鬧過．

我飾演一個好賤既女主角，次次同佢排戲都好驚，走錯位，唔記得對白，唔夠大聲真係死得，

比佢執戲都幾難頂＝　＝　仲要鬼咁長氣，因為咁，成日搞到好夜先返去，晚晚都好夜訓，好辛苦．．

星期四演出，好緊張，但算順利演出，好多人捧場，有個拍電影既明星黎左，

走既時候ｄ同學先同我講佢坐我對面＠＠　又唔早講，我一ｄ都冇留意－　－！

同其他學校交流，有ｄ好悶，但有ｄ真係好勁，有個男仔演半精神病人，

演技好逼真，睇完竟然有毛骨悚然既感覺．．

ｏ係後台見倒佢都有ｄ恐怖ｇｅ感覺，點知佢走埋黎，好溫柔咁拍我搏頭，叫我加油！

果陣我先ｇｅｔ倒，原來佢係一個正常人，雖然我唔識佢，但好佩服佢既演技∼

經過呢次演出完先發覺自己既演技的確成熟左，

多謝導演一直塞錢入我袋，幕後ｇｅ工作人員都提醒我好多野，

教識我咩係做戲，舞台劇ｇｅ技巧，專業ｇｅ彩排，見識大場面．．．．

亦好開心識倒一班好勁ｇｅ幕後班底同校友！

不過跟住落黎劇社今年都唔會接戲，因為我地要專心讀書，

一班演員都唔得閒，希望以後再有機會合作啦！