SORRY,,真係好唔好意思~~

良心一直跟自己過不去.....我知道你會好失望~ 

_________________________________________________________

呢排好多唔好ge野湧上黎,聽完覺得好sad,

唔明點解d人要講成咁...既然坐埋同一條船,就該撐下去!

而家次次聽FAMILY都覺得好傷感,雖然GAM唱得好開心~

不過我覺得好有感情,聽到我好想喊T^T

謳おう謳おう謳おう
笑おう笑おう笑おう
家族　私　ふるさとへ
謳おう謳おう謳おう

__________________________________________________________

話說星期二便服日...個head P叫我當值,死期到了~

1點2打鍾上堂,佢叫我一點3先返去= =  好彩冇聽佢講..

同一個女的Prefect行5樓,守f.1...d f.1 o係課室睇書,冇人係走廊~

基本上都冇野做,去到1d,佢叫我推門入去,,我見黃永業同佢d學生影相..

跟住個P同我講有老師就唔好入去,又係你叫我入ge- -

跟住又叫我捉f.7某個女仔d頭髮,第1日就捉f.7??唉~~玩死...

左兩堂文學...令我諗左好多野!o個兩堂我係好留心..

miss教答題技巧,d A班真係講極都唔明,分兩部分答,閒閒地答一題幾百字..

F.3中史都係咁啦,佢地個個都大驚小怪咁,佢地應該熟過我地啦~

仲有,A班d人真係抄晒黑板d野,好明顯o個 d係重點,要我地用自己ge文字寫落薄,

但佢地以為呢d係答案,要miss講多次,寫埋d介詞先get倒..講一題要成堂!!

我又唔覺得難喎,我地b班都冇問題,d人仲要問我d好基本ge問題,我唔明點解佢地咁留心,

d咁小ge問題都搞唔掂,要問黎問去.....原來精英班d理解能力都唔一定好~

呢幾日我係度諗,既然我地唔係蠢,點解會輸比佢地呢?

我諗係因為佢地基本功打得好,我地小學x年級先讀英文,f.1~f.3又hea左好耐,

 佢地就日日補習...同埋對好多野都有求知慾,咩到都問到底ge精神,都係佢地優勝ge地方!

仲有,我地資質唔係差,但主要問題係我地懶-v- 交齊功課,日日溫書對我地係冇可能,

人地比我地付出好多努力,好重視成績~~

我自問自己做唔倒,不過我會比心機讀好文學,起碼有一科超越佢地先^口^

中秋同啊siu落去玩,好熱鬧,睇人表演..好睇^v^

仲撞倒成班男仔,,都幾好玩丫~~~~~~

琴日啊哥佢地黎食飯..超無奈~

啊哥成日o係度串啊欣,搞到佢地面左左- -唉~兩個都咁火爆,撞埋一齊實死..

啊嫂又錫晒啊b,啊b好煩呀,,4歲豆丁,嘈到死..

我真係好唔鍾意小朋友,佢仲咁煩,所以我唔會理佢~

你話我冇愛心都好啦,對住d小朋友我真係唔掂,你睇我同d兒童冇咩交流就知啦= =

個死仔o係我讀經ge時候入黎玩門,玩完又玩風扇,好易夾親手,講極都唔聽..

跟住我就好大聲鬧佢,佢就發爛渣,話大姑姐唔同佢玩,,我擺明唔同佢玩啦- -!

跟住佢大嗌,比我渴停左,,我諗佢開始驚我,跟住再冇黎搞我,,...

邊有d細路咁唔聽話ga,啊爸啊媽都唔驚,幼稚園就唔返學,同佢啊爸一樣咁冇用~~

_______________________________________________________________________________

琴晚suenkababy打比我,好開心..好耐冇見lu~

啊suen叫我29號過大埔,佢話我約左溫生佢地,,我已經唔記得有呢件事..

雖然我唔知幾時約左,但係都應誠左佢,,不過其實去大埔做咩@v@不嬲都係去開粉嶺~~

我只係記得同啊花,美珍,啊suen.....係4年前約好左,09年去返粉嶺,探舊校同bbq..

話咁快又4年lu..好快,我唔會唔記得我地ge約定ga^v^

"如果o個日有人冇出現,後果自負xd" 雖然而家諗返起好似好低b,但都不失為一個美好ge約定丫!

_______________________________________________________________________________

聽日中秋喇^^~記唔記得上年中秋做過咩ar?!

我上年同啊seun,TB,bee,溫生佢地成班人上山玩(天恆o個個),好大膽..

夜晚好黑,就咁成班人手拉手咁上去玩,其實我好驚,如果趺左落黎真係死得...

上到去d景真係幾靚,一齊玩"立 捉",塋光棒,係度大嗌..好盡興~~

玩到好晏先落返黎,成個天水圍都好熱鬧^^撞到好多熱人...

o個晚我爸爸媽媽兩個去拍tall,啊妹就同佢d fd玩~各有各玩...

玩到好夜,大家都返晒黎,就一齊食月餅,湯圓..呵呵~

唔知今年又點呢..?!希望可以同舊年一樣咁開心啦^v^

kawaii!!~Eri & Risa

今日啊妹話同我出玩朗買書..太開心了~~

好耐冇一齊出街lu^v^

我請佢影貼紙相,雖然係貴,但開心就ok!

影埋今次,我諗住介影貼紙相,因為影左都冇咩用,好無聊~

我地去影,影得超辛苦!!

去影,一路都ok,去到畫圖案部分...

我地畫左好耐,都味cut我地時間- -

畫到無聊,交換位置畫,畫完又擦過再畫,都味倒數,,

有人入去影,都味倒數- -,我地又唔想提早結束....

畫到腰痛都仲有時間,真係頂唔順,終於提早結束,,都味試過畫得咁辛苦ga!!

畫左20分鐘!!咩機~~平時都唔係咁ga...都唔知係好彩定好笑~

跟住就出元朗lu~~

返黎o個時,有幸同d消防員哥哥一部  車立~

啊妹話有個好似高晧正= =  不過唔知30樓咩事呢,要出動咁多消防員~

讀經讀死左?!講笑jar~係岩岩禱告完,好懶咁休息下xd

比人影倒- v -

今日影ge貼紙相~^v^

唔夠喉,所以我地再黎~xdd

今日返到去..見倒啊siu當值,

好無奈咁跟住dprefect行,笑死我同carman..

哈哈,,lunch都好好笑,我地專登去探班...

死喇~第日到我喇...哈哈哈哈,不過我都係覺得好好笑~^v^

account test唔夠時間,不過算啦.. - -

我都預左,因為我真係好慢...有d balance冇寫,唉唉~

放學,準時3點鍾走^^

點知我地去信安掃貸,人山人海,個個都搶住買~

梗係啦~5折喎,結果掃左成個鍾先出倒黎= =

搭輕鐵,見倒鄒瑪莉佢家姐!!佢唔係減肥減到嘔血ga咩?!

佢而家肥左好多呀..讀學信~

我同siu講講下,講起蕭加遜,唔知佢會唔會讀學信呢?

跟住下個站蕭加遜上左車,企siu側邊!客死我!佢見倒我,我都見倒佢.

我係咁同siu打眼色,佢get唔倒,我又唔可以講出聲喎.....><

佢差唔多落車,siu先見倒佢~好恐怖..日頭都係唔好講人- -!

雖然佢而家都冇讀書,但f.1佢同過我坐,我永遠唔會忘記佢!

佢真係好小器,有一次同佢嗌交,佢竟然整亂晒我d野,

仲將我個書包掉出班房!!成日都蝦我,太過份了!o個次我喊左好耐><..

之後我就好憎佢,,我同啊siu以前一齊禱告,希望唔好再同佢一班,

哈哈,結果我一直都冇同佢一班lu,太好了!xdd