清閒左一陣之後

又忙碌一排...

所以今日先打番blog..~

今日個早會去左領禱

都有d緊張

因為都係第1次對住咁多人領禱

但係我見到有好多人都唔合埋眼

真係好唔尊重上帝lor..

(雖然我都無,但係因為我係領禱嗰個ma)

"凡求主的,就必得救"..

"凡不求主的,就必不得救"...~

之後就係周會

播左段片有關中三服務長者嘅..

都幾搞笑...

但都幾眼瞓...~

之後就係中史堂

有個小測

係屋企搵左d資料

琴日亦都溫過..

不過今日唔係好記得

有d"局部失憶"

測完之後就教書

唔知點解都幾精神..

應該好悶至係架..

中文堂:

好彩唔洗作文

因為係學校作文嘅感覺唔太好

D人好嘈 嘈到諗唔到野 記唔到野 作唔到野..

(以上句子用左頂真同埋排比)

不過係教語文運用..

補語同埋虛詞都有d難度

(to myself:要比d心機去溫..)

英文堂:

先講左一大堆廢話先開始上堂

覺得好反感.. >.<

因為太浪費時間..~

但有d唔係事必關已

有d就好貼身

好似人際關係咁..

我都覺得e樣野有d問題..

或者老師講得啱嘅

~要珍惜身邊嘅朋友~

但係又有邊個朋友值得你珍惜呀?

或者咁講

又有邊個朋友會珍惜同你嘅e段友情?

今日想同佢友誼永固

聽日想同佢各不相干

究竟邊一日係真 邊一日係假架?

真係難分難解

亦都難以捉摸..~

不過凡事只要問心無愧就得喇..

為e d野諗咁多做咩wo..

做好自己就已經足夠LA!!~

做人最緊要向前望

既然有d野番唔到轉頭

就由得佢la..

可能e個只不過就係一堆垃圾

留低佢都嫌阻"掟"

索性唔要佢..

e個世上無話無左邊樣野唔得ma..

唔好忘記..

前面仲有一條好遙遠嘅路等住你去行

或者e條路好迂迴曲折

但始終都係得一個人承受

獨力支撐嘅感覺係唔好受

但係都要撐落去

因為e條路係你自己揀架..

即使當中有咩困難

上帝都會與我地同在

所以唔好驚將來自己嘅路會難行

因為係意料之中、無法改變的事實

或者"先苦後甜"

嗰種感覺會好過d呢!

唔好後悔你而家作出嘅所有決定

因為唔係淨係e一刻嘅事

而係一世嘅事

否則恨錯難返..

[ 以上每一番嘅說話

 我都好好記得

 成為我一生的左右銘...

 終生受用~~

 我唔想令自己再後悔!!

 亦都唔會令悲劇重演~ ]

--完--