由於d打好想我打blog

所以就係度打番一次

前陣子

情緒好低落

d衰運湧埋黎咁

真係好辛苦   好無助

所以就忍唔住喊..

呢件事

令我明白到

中三嘅生活真係唔易過

亦唔可以得過且過..

而最近

心情就好番好多

可能係因為一切都順利番

我都好似無咁忙著做d功課

亦都改變左我嘅負面思想

或者諗野都唔洗咁偏激嘅

凡事總有好的一面

在乎我地點樣去睇一件事

有d人好開朗

所以好多事都好容易解決..

輕輕鬆鬆咁就過左..

有d人好執著

所以好多事都好難解決..

擺係心裹面

就好似背負著好重的包伏

而我可能就係呢種人

好多事都擺係心裹面

搞到自己唔係幾開心..

時不時諗起以前的我

相比而家的我

真係好唔同...

唔明白一切點解會變得咁快

唔通...

"三歲定八十"呢句說法係錯..??

咁我寧願停留係嬰兒至兒童嘅階段

起碼當時嘅我係好開心  好享受

而家

成績確實比以前好

不過

就令我變得好緊張

好緊張自己嘅成績

充滿住好大.. 好大嘅壓力

成績一有起趺

我的心情亦隨之有高低起伏

唉...

人生就係咁架la..

總有開心同埋唔開心嘅時候

開心又係咁過

唔開心又係咁過

點解唔開開心心咁過呢??

God may blesses us!!~

我只可以用[[神大愛]]呢首歌

來形容我嘅人生

而家我變得好自在

睇野都客觀左

平時見到d friend

感覺都好親切

一d都唔生疏同陌生

真係好感恩呀!!~

今日番左最後一堂嘅新詩班

發覺有d人作詩真係作得好好

自問遠遠都比唔上佢地

收番上次首詩

真係覺得自己好無聊

作埋首咁嘅詩

來貶低自己

不過

我不會再作埋d咁嘅野

因為我並唔係嗰樣野..~

(係度同某人澄清番...)

我將會作一d

好感性 好動人嘅詩...

(可能.....~)

期待著我的好詩

期待著一切的來臨..~~

~~wonderful day~~

--完--