唉..

話咁快下個禮拜就考試la!!

直到兒家

我無點溫過書

前幾日

我係咁溫測驗

事關日日都有測驗

今日測完

聽日又要測

後日又再測另一d

有一日溫到12點幾

佢突然間話唔測

真係激死人la!!

唔洗測就早講la

係要臨到最後嗰一刻先黎講...

講番今日

朝早有早會

不過我覺得幾悶

中史堂要幫人地對作業

有d人唔做嘅話

對嗰個人就慘la!!

好彩對到一半就打鐘

如果唔係

就要幫佢改晒d答案

中文堂要測驗

d科長都唔知點做野

放晒d測驗係[木+台]面又唔派

搞到我2本都無得溫

不過都唔算考得好差

但真係好激氣..

英文堂listening

有個同學無帶

落左去2鑽先印晒本listening

之後因為遲左20分鐘

老師要佢每頁抄20次

我覺得佢好慘呀...

遲左都抄咁多呀!!

被免太苛刻..

唉..

listening錯左好多呀..

真係拜託data file最後個頁

我竟然見唔到

無左好多分!!

惟有係考試睇得細心d!!

講到考試...

真係要面對好大嘅壓力

考試又要考得好

測驗又要測得好

咁拉平嘅分數就會更加好

但講係無用嘅

兒家連溫都未溫

唉..

成日話[失敗乃成功之母]

但又係咪真係失敗過就會成功呢?

或者e句只可能安慰自己今次嘅失敗

唔能夠証實d咩野

不過

e句就可以鼓勵我地係下次做得更好

希望今次唔會令自己同你地失望la!!

~~ i wiLLTRy My bEsT & dO mY BeST!!!!~~

--END---

我最近實在太忙la

所以無打blog

講番琴日

朝早on duty

見到head prefect

先醒起獎券

我地嗰班所有嘅prefect都要賣獎券

真係慘!!

係學校得崔汶鳳同我買咋

佢真係好人呀

幫我同may各買1張

亦透過賣獎券e件事

我睇穿左某人嘅真面目

唔怪得我之前因某件事憎佢

真係憎得無錯!!

不過唔緊要

係學校無乜人幫我買獎券

係你地走寶啫

與我無關

加上我又唔係靜係 係學校賣

仲有好多途徑

宜家我特登靜番2張比珊同安琪

其餘嘅已經講定晒lo

haha..

中文堂老師無番

變左普通話堂

(激死人la!

枉我琴晚咁努力溫中測

點知老師又唔番

搞到無點溫科測)

普通話堂要考試

到我嘅時候

真係好緊張

所以讀得斷斷續續

不過竟然一個字都無錯

真係神蹟呀!!~~(宗教短片嗰句)

老師比左11分

可惜滿分係10分

所以都係得10分咋

之後仲聽到d人話我攞91分tim

不過未必係最高分嗰個

但我都希望

攞番上年失落左嘅普通話全級第一名

之後周七測驗

測科學

好後悔琴晚溫錯野

搞到錯左一d唔應該錯嘅野

唉..

第一次就衰左la!!

放學之後

仲要練舞

教多左d basic step

但成日都唔記得

下一堂就話揀人

一定無我份

只期盼著我會出另一隻舞

~完~

今日係萬聖節

亦都係我地嘅旅行日

我好遲先出門口

竟然見到伍sir急急腳咁返學校

其實慢慢黎都未遲

我返到去嘅時候

一個女仔都見唔到

之後就見到劉琪

等左好耐

先見到d女仔

之後上到車

我同李佩就係度聽歌同食野

落到車就有人帶我地入去

點知見到一大片草地

同一個超細嘅羽毛球&乒乓球場

仲有好多螞蟻係度爬下爬下

真係乾淨到...(反語)

去到嗰度

好多蜻蜓同埋蜜蜂

不斷係度飛來飛去

搞到d女仔係度大聲尖叫

聽完老師嘅宣佈之後

我地就去玩lo

我地係草地玩拋紙巾

輸左就要玩誠實同大膽

點知Ms Yuen輸左

佢話誠實

之後我地知道左一d野

真係意想不到呀!!!

玩完e樣之後

再玩捉迷藏,麻鷹捉雞仔,狐狸先生/小姐幾多點,紅綠燈

哈哈...

我無比人捉過呀..

真係[走得快 好世界]

不過麻鷹捉雞仔就輸左

而狐狸先生/小姐幾多點,紅綠燈我都無比人捉過

有一段好小嘅時間

我同may就去左打排球

之後就同yo&may影相

之後再玩七級豬

佢地係咁搶牌

不過我就無la

我就睇住佢地邊個最快蓋鼻

之後跟住佢蓋

咁咪唔洗輸lo

(雖然都有小小奸)

haha.. ^ _^

臨走嘅時候

幾乎成班去左canteen

玩誠實同大膽

回程嘅時候又玩

不過抽中號碼嘅

就要揀誠實或大膽

先有獎品

之後嗰d就唔洗

差唔多返到學校嘅時候

就抽中我

真係好彩!!

最後就返屋企lo..

我覺得大棠仲好個e度

起碼有冷氣[歎]

e度熱到死

比d太陽曬死

搞到返到屋企睇睇下書

都可以瞓著

真係又熱又累呀!!

去旅行不如返學吧..

{完} 

今日係我嘅生日

相信好多人都唔知

不過有同學寫左係黑板度

(唔知係咪kellykan呢?)

我入到課室

就有好多人同我講Happy birthday

好似(梁)安琪,may,珊....

之後

全班唱生日歌比我聽

我都有小小感動嘅

TO:all

Thank you for your "Happy birthday"& BIRTHDAY SONG

體育堂嘅時候

都無打過羽毛球

淨係短跑同跳遠咋

極之無聊

亦都好失望

英文堂

其實老師有番 

不過要招待d英國人

所以無上堂

但係無咁快開心住

嗰堂要做中文嘅功課

珊見到zero畫左個[咪]

不斷係度笑

雖然我唔知有咩咁好笑

但都笑埋一份

午膳嘅時候

我問yo聽日去旅行穿咩褲

我同雅b就話穿運動褲

may同珊就話穿牛仔褲

於是

我地就有一場辯論

個結果係...

當然係無結果la

因為yo都仲未決定

午膳之後

我地落左去禮堂睇象棋比賽

事關有我地嗰班對1a wo

可惜只差少許

不過盡左力咪得lo

睇完之後

may,yo同我

係canteen附近嘅地方練朗誦

我練緊朗誦嘅時候

佢地係度引我笑

之後

又去左一個隱蔽嘅地方傾d野

傾完之後

就上番課室

中文堂

我地聽左d朗讀材料

都幾悶

數學堂老師無番

搵左個代課老師

之後

may,yo&我就坐埋一起傾計

之後見到shirley喊

不過之後無事lo

之後

我地加入kellykan佢地度

玩誠實同大膽

佢地做埋d野簡直係不可思[意]

搞到我地成班都笑餐飽

今日我真係好開心呀

may同yo咁遷就我

玩誠實同大膽嘅時候

又唔會問我d好私隱嘅問題

同埋做d好...嘅動作

最後

我要再次多謝你地嘅[happy birthday]

I REALLY HAVE A VERY NICE BIRTHDAY TODAY!!!!^_____^

--THE END--

琴日約左劉琪今日10am係輕鐵站等

不過我遲左到

唔好意思呀...劉琪

之後就一起搭車去荔景

等左一陣

就上車la

上到車

無野講

先練左份稿

再睇下本雜誌

瞓左一陣

就到荔景嘅總站

我地約左Ms Chan

係地鐵站嘅seven嘅門口等

不過佢地仲未到

之後我地去左美心度坐

坐左一陣

佢地就到la

跟住我地一起去

點知老師誤會左係社區會堂

原來係荔景社會服務中心

之後飛[的]去

個司機又唔知點去

左兜右兜先搵到

去到嗰度

d人派左紀念品比我地

等另一間學校d人出左來

我地先入得去

我地3個坐左係演講嘅出面

係咁講笑

劉琪入左去

我同may就係出面唱歌

我仲整左d手語

搞到我同may笑餐飽

我咁做都係想自己無咁緊張

e 招果然洗得

我真係無咁緊張

之後

我們又飛[的]去葵芳食野

ms chan超好人

請完我地搭的士

又請曬我地3個食野

真係唔話得

我地去左吉野家食

我同劉琪食左個牛肉飯

may 同ms chan食雞飯

(不過size唔同,一大一細)

may仲食埋d泡菜

好臭呀!!

(唔好誤會,我係指d泡菜)

食完之後

我地就行左一陣街

最後

我同mum就走先

佢地就慢慢行lo..

希望我地唔會令老師失望la!!

--完--