今日又係一個新嘅開始

希望一切會如我所願la...^ ^

升左中三之後

原來有好多野都唔同

真係唔可以好似中一同中二咁

是是但但咁就過左去

因為d科又多左

由上年13科變成而家嘅15科

而d堂數又多左

上年6堂變成而家7堂(無早會/周會嘅時間)

仲有..

日日都要上中英數

不過

反思就得番3科...

(我諗都係中英數要用)

而個老師比d人串

真係慘..!!~

唔知同e班人上堂又會有d咩感覺呢??

希望感覺會好d la!!~

呢一年...

我會更加專注...專注

一定會盡我所能

做得更好..好...好...!!!~

--完--

咁快又白白浪費左1個月..

唉....!!

琴日

去左青年空間度

整意大利芝士餅

唉..

比我搞到一鍋泡

d野整完又整....

仲以為好簡單tim.

點知.....~

今日

去左巴倫紐

睇左[醉爆伴郎團]

有一個場面

竟然嚇左我一跳

e套戲唔算好特別

只不過係個BB太可愛

而4個男人做埋d野......

太過.....

--完--

今日係家長日

不過我無見家長

因為太早嘅關係...

(8:15am..)

而且講來講去都係..

嗰d野

不過..

今次確係失望左d...

表面上成績係唔錯

但仍然有好多不足嘅地方

不過事實擺在眼前

唔由得我唔去接受

都係嗰句

[下年再算..!!~]

不過..

又唔知係咪真係得償所願..??

話唔定

[希望愈大 失望愈大]

之後

訂書嘅時候

我就番左去..

一來,我要訂書同拍卡

二來,同人買舊書

返學校途中

見到安琪

佢似乎幾開心

(咁咪好lor..)

但差唔多入到學校嘅時候

就見到有人喊..

而且佢呀媽仲係度鬧佢

真係慘呀!! *_*

其實..

考得唔好又唔淨止係學生嘅責任

仲有老師同埋家長..

都係罪魁禍首!!

你可能會問

[點解咁講呢??]

好簡單..

老師教得唔好

學生自然學得唔好

而老師教得唔好嘅原因係...

佢地成日係堂上講[肺]話

明明同課堂上嘅野無關

都可以講一大論

唉..

咁學生又點會學得好.. //??

而家長點解要負上責任呢??

佢地係咁比壓力d學生

搞到佢地瞓唔安 食唔落

造成反效果..

搞到考得唔好...

所以...

d家長真係唔應該比咁大壓力我地

適可而止就好lu..

而d老師就唔好講咁多[肺]話

我諗會好d...

而我地呢?

最緊要梗係..

要有充足嘅睡眠

先會有足夠嘅精神!!~

haha.. ^ ^

--完--

由於要預留空位放置中三書本的關係

所以決定執拾舊東西

在執拾舊東西期間

無意中找到小時候的東西

包括幼稚園以及小學的成績表等等..

翻開幼稚園的成績表

看見自己低班及高班的樣子

是多麼的呆滯呢!!

而小學的樣子就大大不同了

(雖然樣子也沒有太大的改變)

可是..

小時候的東西幾乎忘記得一乾二淨

只是記得一些有趣而特別的事

(突然很回味過去....)

執拾舊東西過後

就去了大興體育館打羽毛球

唉...

很久沒有操練過了

技術差了很多

間中拼了命去打

跌倒了!!~~

打過羽毛球後

(一小時後...)

就準備走了

誰料碰到何sir..

原來有很多老師在後面打籃球

真是恰巧...!!~  -_-

t0: ALL

有沒有人想係暑假打羽毛球呀??

如果有,可以搵埋我wo..~

(因為我好想操fit d....)

hAHa!!~ ^_^

--完--

今日係番學途中

見到一個傻傻地嘅人

係度自言自語..

突然之間

佢向住我問:

"你姓林?"

之後我無理佢

佢繼續問:

"你係咪姓林?"   =>提高左聲量

之後我就驚驚地咁答左一句

"唔係"

急急腳咁走左lu..

番到學校

比人量體溫

竟然.... [[超標]]!!

嚇左一跳..

之後過多一陣

再量過先無事

入到禮堂

攞左張成績單同埋回條

睇完左張成績單

都有d失望

不過.. 算吧!!

人不可能往往在高高之上

總有些時間走下來

休息一會兒

歇息過後

才有力量踏上更高的位置

--完--