今日係萬聖節

亦都係我地嘅旅行日

我好遲先出門口

竟然見到伍sir急急腳咁返學校

其實慢慢黎都未遲

我返到去嘅時候

一個女仔都見唔到

之後就見到劉琪

等左好耐

先見到d女仔

之後上到車

我同李佩就係度聽歌同食野

落到車就有人帶我地入去

點知見到一大片草地

同一個超細嘅羽毛球&乒乓球場

仲有好多螞蟻係度爬下爬下

真係乾淨到...(反語)

去到嗰度

好多蜻蜓同埋蜜蜂

不斷係度飛來飛去

搞到d女仔係度大聲尖叫

聽完老師嘅宣佈之後

我地就去玩lo

我地係草地玩拋紙巾

輸左就要玩誠實同大膽

點知Ms Yuen輸左

佢話誠實

之後我地知道左一d野

真係意想不到呀!!!

玩完e樣之後

再玩捉迷藏,麻鷹捉雞仔,狐狸先生/小姐幾多點,紅綠燈

哈哈...

我無比人捉過呀..

真係[走得快 好世界]

不過麻鷹捉雞仔就輸左

而狐狸先生/小姐幾多點,紅綠燈我都無比人捉過

有一段好小嘅時間

我同may就去左打排球

之後就同yo&may影相

之後再玩七級豬

佢地係咁搶牌

不過我就無la

我就睇住佢地邊個最快蓋鼻

之後跟住佢蓋

咁咪唔洗輸lo

(雖然都有小小奸)

haha.. ^ _^

臨走嘅時候

幾乎成班去左canteen

玩誠實同大膽

回程嘅時候又玩

不過抽中號碼嘅

就要揀誠實或大膽

先有獎品

之後嗰d就唔洗

差唔多返到學校嘅時候

就抽中我

真係好彩!!

最後就返屋企lo..

我覺得大棠仲好個e度

起碼有冷氣[歎]

e度熱到死

比d太陽曬死

搞到返到屋企睇睇下書

都可以瞓著

真係又熱又累呀!!

去旅行不如返學吧..

{完} 

今日係我嘅生日

相信好多人都唔知

不過有同學寫左係黑板度

(唔知係咪kellykan呢?)

我入到課室

就有好多人同我講Happy birthday

好似(梁)安琪,may,珊....

之後

全班唱生日歌比我聽

我都有小小感動嘅

TO:all

Thank you for your "Happy birthday"& BIRTHDAY SONG

體育堂嘅時候

都無打過羽毛球

淨係短跑同跳遠咋

極之無聊

亦都好失望

英文堂

其實老師有番 

不過要招待d英國人

所以無上堂

但係無咁快開心住

嗰堂要做中文嘅功課

珊見到zero畫左個[咪]

不斷係度笑

雖然我唔知有咩咁好笑

但都笑埋一份

午膳嘅時候

我問yo聽日去旅行穿咩褲

我同雅b就話穿運動褲

may同珊就話穿牛仔褲

於是

我地就有一場辯論

個結果係...

當然係無結果la

因為yo都仲未決定

午膳之後

我地落左去禮堂睇象棋比賽

事關有我地嗰班對1a wo

可惜只差少許

不過盡左力咪得lo

睇完之後

may,yo同我

係canteen附近嘅地方練朗誦

我練緊朗誦嘅時候

佢地係度引我笑

之後

又去左一個隱蔽嘅地方傾d野

傾完之後

就上番課室

中文堂

我地聽左d朗讀材料

都幾悶

數學堂老師無番

搵左個代課老師

之後

may,yo&我就坐埋一起傾計

之後見到shirley喊

不過之後無事lo

之後

我地加入kellykan佢地度

玩誠實同大膽

佢地做埋d野簡直係不可思[意]

搞到我地成班都笑餐飽

今日我真係好開心呀

may同yo咁遷就我

玩誠實同大膽嘅時候

又唔會問我d好私隱嘅問題

同埋做d好...嘅動作

最後

我要再次多謝你地嘅[happy birthday]

I REALLY HAVE A VERY NICE BIRTHDAY TODAY!!!!^_____^

--THE END--

琴日約左劉琪今日10am係輕鐵站等

不過我遲左到

唔好意思呀...劉琪

之後就一起搭車去荔景

等左一陣

就上車la

上到車

無野講

先練左份稿

再睇下本雜誌

瞓左一陣

就到荔景嘅總站

我地約左Ms Chan

係地鐵站嘅seven嘅門口等

不過佢地仲未到

之後我地去左美心度坐

坐左一陣

佢地就到la

跟住我地一起去

點知老師誤會左係社區會堂

原來係荔景社會服務中心

之後飛[的]去

個司機又唔知點去

左兜右兜先搵到

去到嗰度

d人派左紀念品比我地

等另一間學校d人出左來

我地先入得去

我地3個坐左係演講嘅出面

係咁講笑

劉琪入左去

我同may就係出面唱歌

我仲整左d手語

搞到我同may笑餐飽

我咁做都係想自己無咁緊張

e 招果然洗得

我真係無咁緊張

之後

我們又飛[的]去葵芳食野

ms chan超好人

請完我地搭的士

又請曬我地3個食野

真係唔話得

我地去左吉野家食

我同劉琪食左個牛肉飯

may 同ms chan食雞飯

(不過size唔同,一大一細)

may仲食埋d泡菜

好臭呀!!

(唔好誤會,我係指d泡菜)

食完之後

我地就行左一陣街

最後

我同mum就走先

佢地就慢慢行lo..

希望我地唔會令老師失望la!!

--完--

又幾乎一個禮拜無打blog lo

因為e幾日都好忙

不過e幾日我都好開心

由21/10講起

體育堂排球考試

我打左2次都攞到滿分

(每球的滿分係10,即我攞到20分)

有驚無險呀!!

23/10

放學去左跳舞

跳跳下

諗到一d好有趣嘅野

加入普通話首歌度

哈哈..

搞到自己都笑餐飽

今日家政堂

又笑死我la

我扮黃太

蘇君就扮陳大文醫師

故事就係講黃太(即係我)

被陳大文醫師握左$9000中醫水

黃太點樣攞番嗰$9000

故事嘅我係好虛弱嘅

所以我扮到好虛弱

之後有人話我似與敵同行嘅靚媽

諗落都幾似

我忍唔住大笑起來

不過都唔係好高分咋

但係e幾日我真係好開心

可是

開心嘅日子總係過得特別快

下個禮拜又on duty lo

真係唔捨得呀!!

聽日要去荔景演講

希望我地三個都會入到初賽la!!

加油!!

{完}

今日返左寫作班

今堂係最後一堂

但我並無一種唔捨得嘅感覺

最初嗰幾堂

我覺得老師教得好好

覺得好有趣

當然

我唔係話宜家教得唔好

一直都教得幾好

但今日

我開始覺得厭倦

唔知係咪有種心態

次次都係同一個人作文作得最好

令自己對作文失去信心

花左幾多心血作嘅文章

原來只係一張廢紙

難以令自己不其然地煩厭

甚至唔想再用心去做e件事

不過

人嘅本性就係咁

對住一件事耐左

就會覺得討厭

就會諗下其他新奇有趣嘅事

或者我都係e種人

{完}