今次我只係想記述一件事,

就係琴晚既惡夢

我會加插一d情節, 如果唔係大家會好難明白

========================

"惡"既意思係兇惡,

但同時, 都有討厭既意思

夢, 係人類係休息既時候,

因為腦部仲活動而產生出黎,

一般既夢, 全然冇意思,

但有人做一種"預知夢"既夢,

夢既內容, 係將來發生既事,

多半, 就係人地講既"第6感"

============================

係一條鐵路既旁邊,

有一個女人,

眉清目秀, 但呢一刻, 好似好擔心,

佢緊緊咁,  抱住手上既包袱...

過左一陣, 一很古老既火車停左係到,

明顯地, 係等佢上車,

但佢冇咁做,

佢仍望著遠方...

最後, 她還是上了車

但她望出去,

找尋一樣她一直等待既....

直到火車係地平線變成一個黑點,

一個男人跑到剛才個個女人企既位置,

一邊喘氣, 一邊望住地平線上既個個黑點.....

====================================

我一醒, 就發現自己係一靚既屋入面,

我爸爸同我講,

"我地從今就住係到!"

我走出屋,

我發現, 呢到唔係香港,

係英國....

我覺得好迷茫, 我一直行,

行左好耐, 行左去一個港口,

個到有人放煙花,

好靚, 不過我唔知係喜定悲,

我番到"屋企"

我地一家人就決定左去日本旅行,

無所謂~

我地係日本行過好多地方,

又食過唔少地道既食物,

最後我地係一間酒店落腳

我醒左, 發現自己唔係係自己既屋企,

又唔係英國既大屋之中,

而係一間和風味勁重既屋之中,

我冇時間再理我係唔係又要係日本住,

因為我呀媽已經將我推出去,

叫我番學

我都唔知我係點去到學校,

只係知道一入課室我就嚇左一跳

課室入面唔係有咩怪物,

而那是....

全都既我既同學, 我既朋友!

但我覺得太不同了....好似有咩問題咁,

但我又講唔出

我只係知道,

面前既係我幾咁好既朋友,

但係個一刻,

面前既好朋友, 已經唔係我昔日認識既好朋友

係幾咁可怕, 痛苦

佢地好好, 教我日文,

係日本生存,

但我知道, 我地都變左....

===================================

醒了, 最後就醒左,

我訓係張床上,

訓唔番.....