有好多人覺得，情人節一定唔可以單身，如果單身就簡就等同係世界末日…
我有個朋友，叫阿謙。佢好驚情人節單身，會夾硬搵個女仔過節日，所以佢拍極都係散拖，但唔知點解，佢每次都黑仔地每逢情人節就單身。就好似變咗「因為情人節來臨，所以變單身」咁。
「２月１３日係兄弟日啊！出黎陪我食飯！」無錯，今年佢個女朋友都係捱唔到情人節呢條死線，於是我就陪佢食飯，然後去咗酒吧飲嘢。
其實唔單止情人節，早幾日條街已經逼滿慶祝節日�H情侶，所以兩條麻甩佬喺餐廳門口等位，其實都幾尷尬。我見佢用怨恨�H眼神望住班情侶。於是我同佢講…
「喂，其實所有節日對你黎講，都係末日…你諗吓有邊個節日唔係for一雙一對咁出街慶祝㗎？」
「嗚∼我好想拍拖啊…」朋友幾乎喊出黎。
飲大兩杯，佢又拎住個電話磨一路自己塊面，一路同我講：「你有冇睇過套戲叫《觸不到的Her》？」
「你係咪中英文戲名混埋一齊。人地叫《Her》同《觸不到的她》…」
「是旦啦…我都想要一個咁�H女朋友啊！究竟呢樣嘢幾時先發明到？我係咪註定成世都孤獨一生？」
「究竟你係想拍拖？定係想搵個伴？」我好認真咁問阿謙。
「有咩分別啊？」
「好似你咁，成日拍散拖，拍親都唔開心，都唔知你想點…」
「所以如果好似戲入面嗰個人工智能女友咁你話幾好呢？又瞭解我所有嘢，又善解人意，又唔洗我氹，又聰明，又唔驚會悶，仲會幫我打點生活上所有嘢…」
「咁不如你同Siri拍拖…」
「……」阿謙個樣變到好似粗口�H像形文字咁。
「其實你唔需要亂咁求其搵個人拍拖，根本對方都唔適合你，夾硬一齊都無意思。」
「但我想拍拖嘛…」
「我問你啦，返工你開唔開心？」
「點會開心㗎…？」
「返夜校呢？」
「好攰，唔開心…」
「返屋企呢？」
「成日同屋企人嘈…」
「咁你唔認真揀個伴侶，人生除咗訓教之外，仲有咩時間係開心呢？」
「但我全日都忙到透唔到氣，邊有時候識人啊？所以我咪撞彩咁拍拖囉！」
其實阿謙又錯唔晒，香港人每日都忙到痴晒線，根本無時間去認識新圈子�H人。就算識到只係點頭之交，因為你無咁多耐性去瞭解一個人，好多時…見到順眼咪拍拖，性格不合咪分手囉。
香港人由出生到老死乜都要趕，係一個速食城市，就連感情都係…
你撞到一個適合�H，係好彩。
但係有幾多人有運行？
現實中阿謙真係恨拍拖恨到痴線，每個月都走去參加Speed Dating，每次拍唔夠一個月又分手。跟住又去參加另一次，完全係惡性遁環…
「不如你放慢個Speed，試吓Lunch Dating啦…」
「乜黎？」
「我同事參加過，只係Date咗一次Lunch，就同個女仔一齊咗，半年之後仲結咗婚添…」
「佢哋亂咁結婚啫！」
「又唔係喎，聽佢講Lunch Dating有專人導師幫佢配對，分析晒佢性格，同埋要求對象。唔係單單上網填資料，個個填到自己好似男神女神咁，出到黎又另外一回事。」
「係啊係啊！上次我約過一個，佢話自己似美人魚！！」
「Lunch Dating會有專人幫你配對好晒，起碼乎合你70%條件先畀你約出黎見面。當然啦你揀人、人揀你，你明�H…」
「係咪堅㗎…？」
「第一次同導師見面免費㗎，佢浪費成粒鐘時間，你唔幫襯咪走囉，呃到你啲乜呢？」
於是，阿謙今日情人節就上咗去一間Lunch Dating�H公司見導師，成唔成功？
唔知…或者下個月再同大家匯報情況。
我發現香港有好多阿謙呢類人，
想食快餐，大可以去蘭桂芳。
想求其搵個人拍拖可以去Speed dating。
但你想認真搵個伴，其實好難。
唔係話無錢無條件，而係無時間…
|
