2. 我'meet'你既時候你唔准縮。
   3. 我唔會check你既來電顯示，
       但係你最好唔好俾我聽到你同不明來歷既女人講電話。
   6. 我明白每個人都有過去，你會有舊情人既相呀信呀禮物呀，
       但係唔o係我面前飄揚，有咩爛左唔好怪我。
   9. 你要俾我知你去左邊，我唔係要check你行蹤，
       只係如果新聞話有三名行山人士失蹤，我要知道係唔係你。
   10. 我地未必可以一生一世，
        但希望你同我一齊既時候，每一刻都對我認真。

   12. 你心裡面諗d咩，一定要同我講，
         因為我好蠢，你唔同我直接講我唔會知道。
   15. 我希望你會記得一切既大時大節生日同紀念日，
         我唔會提，亦會扮大方，但唔 代表我想你失憶。
   16. 男子以才為貌，但係都要乾乾淨淨。
   19. 唔准對我講大話。
   20. 唔准一腳踏兩船 (或以上 )。 

   22. 出街一定要拖實我，因為我會蕩失路。
   25. 你最好唔好有一堆女性朋友同契妹之類既不明物體o係身邊，
         否則我會用行動證明俾你睇我都有一籮男性朋友同契哥加uncle。
         一,兩個還可接受!

   34. 我知道你冇可能每秒鐘都掛住我，
        但係如果你全日都冇諗起我，我會好驚。
   36. 如果你郁手打我，我一定會走。
   39. Shopping 時可以分道揚鑣，但係你唔好又要企我隔離又要黑面。
   40. 我好樂意同你行你鍾意既舖頭，你唔需要怕我悶，我會自得其樂。 

   44. 你唔可以望靚女,但我可以望靚仔,因為我知我一定唔會對你變心。
   46. 我鍾意食魚蛋河，
        但係如果大時大節紀念日生日時都係食魚蛋河，我會發火。
   47. 我喊既時候，你一定要tum我，
         因為我只會o係好傷心好傷心既時候先喊。 
   48. 你打機既時候，我會自己搵野做，你唔需要擔心。
   49. 你最好有一首只係屬於我既電話鈴聲。
   50. 如果你冇開口講，我都為你去改變，
        代表我真心鍾意你，請你珍惜我。

   51. 我好樂意幫你煮飯洗衫執屋，但係請你唔好當「奉旨」。
   54. 你需要比我更清楚我既電話、 DC同電腦既操作。 
   57. 放假時我會間唔中留o係屋企休息，你即管出去玩，
        唔好以為我係貼身膏藥你唔同我出街我就唔出。
   58. 因為我有一d唔係太開心既過去，對人好冇安全感。
         所以請你用用行動話俾我知你對我係認真既，你唔係玩玩下。
   59. 你先要努力讀書，然後盡量抽時間陪我。 

   64. 我有寫 日記既習慣，如果你發現o個篇係講你既，
         你最好俾d反應我。
   66. 你要做我既人肉地圖。
   68. 我發脾氣cut你線，你唔好即時又打電話俾我， send SMS得架la。
   69. 絕對唔可以check我既 ICQ 、MSN同 SMS。 

   71. 你煮飯俾我食，就算只係一碗餐蛋麵，我都會開心過食 Rougie鵝肝。
   74. 因為愛你，我會珍惜自己，要自己身體健康，
        叫自己開開心心，你都係。
   77. 我最憎人唔信我。
   78. 如果你愛我，你唔會捨得要我傷心。

   81. 男朋友既功用係對女朋友好，女朋友既功用係對男朋友好。
   83. 好多事唔係我扮唔識搵你做，而係我真係唔識。
   85. 你講過，而我又應承過既，我一定會做。
        例如：一定要食飯。
   86. 唔好熄電話，萬一半夜我要去急症室我會想你陪我。
   90. 如果你見我個樣冇乜表情，唔係我唔緊張你，
        而係愛一個人就會變得笨拙，我唔知用咩表情面對你好。

   91. 如果有人追你，記得同我講，我會用掃把掃佢。
   92. 好遺憾我冇機會細細個就識得你，
        所以宜家請你俾多d時間我，俾機會我去了解你。
   94. 你唔開心既時候我會靜靜行開俾時間空間你冷靜，
        但過後我會想你打返個電話俾我，因為我關心你。
   96. 我知你對我著咩衫冇興趣，不過問下咩顏色好都得掛。
   97. 你要記得間中同我講「 I love you」，否則我會以為你唔再愛我。
   100. 其實，我明白這些戒條有點吹毛求疪有點不設實際有點妙想天開。
          我只想你知道，在寫這些戒條的時間內，每一秒鐘，也在牽掛你。