唔知點解特然會寫呢樣嘢...可能我真係有好多嘢想同一個人講，而我卻唔敢親口同佢講...所以將所有嘢擺喺呢度喇!!但真係要講，我又唔知喺邊度講起...其實尋晚我會特然間打俾佢，係因為佢又唔記得我前日同佢講過咩!!次次佢都唔記得我同佢講過咩，我真係唔知繼續同佢講有咩意義!...特別係叫佢唔好飲咁多酒，唔好食咁多煙...但最後呢??我唔知佢邊樣做得到!

      仲有啊，呢幾日真係好鬼嬲佢啊!sms佢唔回，算點啊??伱知唔知咁樣好hurt架!知唔知...我會擔心架??我以為我阻住佢，我以為我激嬲咗佢，我以為佢唔想理我...但如果佢真係咁唸嘅話，佢可以同我講架!!我一定會應承佢架...

      前晚我想同佢講...我地之間嘅話題來來去去都圍繞同一個問題...我唔想咁傾落去啊，我地係咪無其他嘢講嘅??同其他女仔就傾得咁開心，我呢??伱可唔可以搵日乖乖地坐低同我傾啊??伱係咪忙到連少少時間俾我都咁難!!

      算了.............................................................唔想再寫喇...再寫落去我都唔知佢會記得邊樣...