今日就係畢業禮喇!!好內都未返過學校,而家再踏足學校既大門,
真係會有一種再次返學既感覺..一入大門..見到有好多惜日的好朋友
(而家都係)坐起can teen..大家真係冇見好內,但果陣時既感覺就完全唔似,
好似尋日先見完,玩完咁樣...唔知點解。
返到課室,雖然並唔係返我地以前個課室,但班上既氣氛仍舊一樣...
大家都嘻嘻哈哈咁傾計...起呢到不得不提嘉麗妹既新髮型...哈哈..
好攪笑的..佢話係比雷砍成咁架喎...正一傻婆!!唉~佢大喇..識扮靚喇..
唔再似以前牛仔褲+t架喇..謝師宴佢要著吊帶deep v 露股隙架喇..真係十八變!
之後去左禮堂...
真係有d悶..唔好講笑..我仲見到大金起台上都釣住魚...什至.....訓著埋..哈哈,佢肯定尋晚做賊~
果個陳牧師仲好笑...係咁話熱..個樣真係非筆墨所能形容..笑到我同婷婷收唔到聲^0^"
後尾我發現媽咪同爸爸都有黎..之前爸爸仲話唔得閒,唔知要去邊到傾野..出奇地..竟然起禮堂見到佢地..
心裏還是蠻開心的呢...識我既人就會明白我既喜悅了..呵呵
返到屋企..爸爸睇完我張成績表後都暗示左d讚我既說話..雖然我並唔係好好..但我已經滿足了..
嘉豪仔教家嗎..做人要知足!!我懂的..=0="
今日起呀美手上拎返本記念冊之後...已經急不及待拆開黎睇了...我發覺陳sir真係講得冇錯架..
5B班係好有情既一班...我一邊睇..一邊感受著...有時真係好攪笑..但亦有感動既一面..
攪到我都有d眼濕濕..好衰架呢>.<"
時間真係好快就走左..真係好希望繼續起5B到生活..日日嘻嘻哈哈咁過...
唔知仲有冇呢個機會呢?其實答案一早已知道..但我仍需活得有希望!!!
ps.朋友們..雖然我地再見面既機會係少之又少..但你地寫比我既,
我都會一一銘記於心,好多謝你地呀!!你地真係好好,好好..........
| 
