倒數仲有四日就係我十六大壽...時間,可否為我而倒流?...

星期日,都算比較早返到去教會,但又遲到...完左就去左OFFICE,幫手揾電蕊...正想再揾既時候,呀牽被人通緝,要即刻走私人,慘了...呀牽要逃亡...唯有落去啦,去左天悅同圖書館...返到上去,午堂都仲未完...又要逃亡...最後走人...唉,返到屋企又温書,但地理根本記唔入腦...強記死背都冇效,仲瞓埋,點解又發夢ｇｅ?醒返都九點,食完野又温書,好凍呀!!!温到十二點,心血來潮,睇波,曼聯對一隊唔知咩水,激氣,朗尼同ｃ朗都打後備,唉...最尾一團和氣...曼聯,下次打好ｄ啦!!!

到左今日,六點就起身,唔知搞咩又瞓返,七點半先醒...黐左幾個暖貼先出去,落到去我估我會遲到啦,好彩校工勁好人,放走左我同呀一...上到去,輪到"哨牙小飛飛"監考,考左兩粒鐘地理...我估呢一科係我最大機會炒既一科...因為我考果陣睇唔到最後果頁有題目,冇做到,白白冇左廿分...黑仔呀...跟住上左4b,等考英文痾佬...唔齊人,只欠一個,果然係三朝元老,有經驗,最後一刻先入黎...派入死亡之組...全組玩唔講野...一鑊熟...走果陣,梯間好唔好彩咁碰上嫦娥,話明係嫦娥,當然係常常咁哦我,問我考成點...唉...BEN CHOW仲要話嫦娥係我乾媽囉...我點都唔會做娥仔...除非BEN CHOW係我乾爺啦...哈

P.S  好想知妳考成點...我相信妳一定會好勤力既...!!!努力埋呢幾日啦!!!冇左妳既支持,我唔可以再好似之前咁有熱誠去考...冇左妳既鼓勵,我唔再係果個滿有動力既我...只有妳先係我力量既泉源,只有妳先係我最為關心,只有妳比一切重要...就算外在有幾成功,內在始終都需要妳...希望妳會知道我一切都因妳而改變,因妳而佳美,因妳而感動,因妳而快樂!!!深深想念妳,深深既愛妳!!!

呢個世界至少會有一個人會為妳做喊包,為妳去歡喜,只會為妳...