温書係咪真係咁輕鬆...講真,邊個温書唔辛苦...有既,D唔温書既人囉...

講返尋日先...考中文同中文作文...

考第一份果陣,初初以為好少野,點知做落去先知中招...第一篇係文言文,變左個文盲...完全唔知講咩...佔成廿幾分...第二篇勁抽象...個作者作到離晒題...又冇左好多分...做到第三篇,先知道原來仲有六國論...呢次我中文...大炒格...

到左卷二,十點零七分果呀SIR就派晒卷,仲話開考添...我寫好名,預備睇份試題...有人嗌:「但全班有幾個都出左去,未返喎...」呀SIR曰:「你們是否不清楚考試規則...到了時間就要就坐...外面的公開試也是否這樣的!!!」有人話:「份時間表係話十點五十先開考喎」呀SIR做左一個突破性既決定...就係回收試卷,同埋叫我地停筆,交出試卷...10:30D人返齊晒...又開考...O...有兩個題目比我地揀,一個係"獲取知識是否通往成功的必經之路",另一個係"我心愛的書包不見了"...有得揀作文言文(400字)定白話文(600字)...文言文作"我心愛的書包不見了"好唔好呢?好,不過唔知點作...我最後揀左作"獲取知識是否通往成功的必經之路",當然用白話文作啦...作緊既時候,我見到呀SIR拎住本"長腿叔叔"喺度睇,睇完之後個樣好開心,好似好有成功感咁...勁搞笑個呀SIR...作左一陣就作完,作左八百幾字...

尋日返到屋企就温中屎...好多野記...温到瞓左...

到今日,今朝好凖時出門...到左小巴站,唔知點解今日特別多中華基金...排左N分鐘先上到車...到左小西灣都過左八點十七分...遲到呀...但我一定唔洗留堂...上到去,見到係歐文山監考...O...考中屎,隻手冇停過,好多野寫...考左成兩粒鐘...我仲諗住走添,D人話仲有聖經考...我唔記得左添...冇温到聖經...其實唔洗温...林SIR呀...正呀...一入到黎就搞到我地好興奮,不過如果係曾SIR仲好...寫左十五分鐘,我決定唔寫...其餘四十五分鐘休息...放學...我比部紅綠燈玩,等左成三分鐘先行得,我太守法LU...

E+温緊MATHS...頭先好沮喪呀...而家都冇咩...唉~

夜晚,嫦娥打黎我屋企話要揾家長喎...慘啦...好彩呀媽唔喺屋企咋...嫦娥同我講,話我遲到問題十分嚴重,要通知家長喎...唉~四次咋...有幾多呀...最多以後我唔遲囉...嫦娥話紀錄係上下學期加埋一齊計喎...慘啦,六次就記缺點,我只可以遲多一次咁多多...成個下學期咁長...嫦娥仲問我有冇温MATHS喎...我答温緊...嫦娥話睇好我喎...我估嫦娥今次要大跌眼鏡LU...

P.S 唔知妳E+係咪都係温緊書呢?努力呀,永遠都係咁支持妳!好想可以親口支持妳...但點都好,我都會守候妳左右,只要妳需要我...加油呀...

直到愛上你

我只怕　來不及
對得來的一切珍惜
愛上你　愛上你
就是我生存的目的

＃得到緣份的同意
我們才有了心跳的經歷
每一次　都讓我成為你影子
用所有力氣　累積著回憶
樂與悲　也沒有關係
將來老了想起來
也是段段奇蹟

＊直到愛上你　才了解自己
對你愛到底　愛到底
戰勝死別生離
渴望看著你（臉上變幻的痕跡）
感謝仁慈的天意
走過了 瓦礫
還依然在一起

REPEAT＃＊＊