尋日睇Ｄ人示威睇到十二點幾,我見到Ｄ人坐晒地上,又唔郁喎,睇佢地都唔會打Ｄ　ＰＯＬＩＣＥ啦...冇野睇就去左瞓覺...

一瞓就今朝,凍到疆左,唔想郁,成條大懶蛇咁,唔知係咪屬蛇既人既特性呢?呢個只係一個借口,希望各位屬蛇既朋友唔好介意,係我自己懶姐!決心要去起床既時候,已經係八點幾lu!嗱嗱聲去教會,點知Ｄ小巴等左Ｎ年都唔見有車,唉~可能都係因為Ｄ南韓農民唔肯走啦!好心香港政府叫呀大長今同埋呀閔大人黎香港叫班同胞們合作Ｄ啦!!唔講廢話,入返正題啦!上到教會就聽到莫生講緊張海報..果張海報..唉唉唉...點解會放我張相上去ＧＡ,好傻仔呀個樣..Ｄ姨姨仲要話我Ｑ...唔制呀...要回收呀Ｄ海報,放過另一張Ｑ　Ｄ既...!早堂完左,去踼左陣波,阿牽好慘呀,有Ｄ野我又唔可以講佢知,佢一定會好ＨＵＲＴ如果佢知道ＧＥ話...跟住落左去商場行下...上返黎先知道...唉算啦...唔開心呀...

下晝返左屋企一陣,再出去睇浸禮,好多人呀...Ｄ歌好好聽...見到好多我細個果陣見開既人,不過佢地唔認得我...要我講自己係邊個個仔先知我係邊個,難怪ＧＥ,我又唔係李嘉誠個仔,又唔係蝦利波突...但我仲知道一個消息,對我黎講真係驚人,個消息係我個同我同年同月同日出世既朋友尋日浸左禮,之後鞋Ｅ催我復活節浸喎..但我都仲係覺得自己心志上仲未成熟,加上我而家上宗教堂既表現,我認為仲未係浸既時候,我知道呢Ｄ係要真心先可以去做既..我浸既話就係自欺欺人,作假見證...何況呢Ｄ唔係比較,所以我都係唔會浸住...等我有一日願意浸先啦...

同阿保返左屋企,玩左陣,呀媽呀爸返到ｌｕ,食飯...

Ｐ.Ｓ.　如果果件事冇發生,今日既我地兩個係咪沙灘上既我地?　我希望係,就算今日唔係,都想他日係...

　　　　　　　　　　　"相信"是"成真"第一步　

　　　"求讓我再用百倍溫柔
　　　　　留住你　我願意無限遷就
　　　　　　都不想你遠走 "