今日都好趕下呀~操場早會,凍呀~排隊上去,行樓梯果陣,有人無啦啦係我後面搭我膊頭,我最初以為係利九,所以冇理到,點知果個搭我膊頭個人叫我個名,唔係利九喎,原來係...上年度我最喜愛的老師--曾ｓｉｒ,佢問我讀邊班,我話４ａ,佢居然同我講話教唔到你添..我心諗如果我比佢教既話,我ｄ中屎仲洗合格ｇｅ...
入到課室,我見到我隔離果張櫈有粉筆痕,同埋我果位張枱唔係我ｇｅ...我揾左一陣,終於見到了...原來係老懵董個位度,我即刻去搬返...過左一陣,老懵董入左黎,見唔到佢張枱,就行埋黎用粗口話我囉,根本我完全唔知咩事,無啦啦比人用粗口鬧喎,唔怪之得佢咁"受歡迎"啦...早會,長腿嫦入到黎,我同佢投訴,話尋日ｄ人開會之後搞到ｄ枱亂晒...豈有此個理呀!!!
中屎,冇咩事呀,我都好乖咁聽書
ECON X2,何ｓｉｒ用左勁多時間去化解我地同４ｂ既血海深仇,又講下佢一直以黎對４ｂ既感情...我估佢都係唔想４ｂ有事先咁講ｇａ姐,唉~算啦~４ｂ又唔係想像中咁壞...之後講書
小息,又留課室
ENG X2,我個位比人霸左,坐左去呀德隔離,今日ｄｉｃｔ呀,默埋ｄ同我地冇關係既世界城市名,我估有ｄ我根本唔會去既,默完又冇咩野
LUNCH,出面好多人,去左第二間先有位坐,食完返去...４ｃ門口又見到藍社社長,利九叫佢記住放學去４ａ玩粉刷
ｍａｔｈｓ,都唔知點解呢堂好似上極都未完咁...最搞笑係落左堂之後,成班人好似放小息咁走晒出位,比長腿嫦鬧..長腿嫦走左,ｄ人又諗住成班去廁所,點知長腿嫦返轉頭,好似玩紅綠燈咁,長腿嫦又鬧,又等佢走,又行出位,門口見到ｍｒｓ.ｃｏｒｎｅｒ ,問佢比唔比去廁所,當然比啦...
ｅｎｇ(ｃｏｒｎｅｒ+ｂｅｎ ｃｈｏｗ),返到黎上堂,又討論,ｃｏｒｎｅｒ又行埋黎
中文,肥丘都仲係教緊六國論,佢又講"三不准"理論,即係不准趴,不准瞓,不准ｂｏｏｋ..之後佢講故事
放學,ｄ人真係等藍社社長上黎玩,佢都冇上到黎...呀一同呀德對付ｖａｎｉ佢地,利九又玩埋一份...哈..玩完就走人...學校門口見到燒獸兒,引起全場注目,佢怒睥全場...可怕的...
Ｐ.Ｓ. 每天滿途困難,苦痛交煎,誰能共我走一遍? 我盼望在我左右果個係妳,我都希望可以同妳去行每一段路...愛是永不止息的...曾經失落過,是妳愛惜我 天灰並不代表絕望,最終還是會晴天 心灰了也不是絕望,希望在明天 我希望能體會妳既心情,不要心灰,很想跟妳有比以前再好的永遠...原諒我,好嗎?
|
