今朝去到學校門口就見到塞滿晒人，仲以為有錢派添，原來係兩部嘟機壞左，淨返一部，搞到個個都搶住去唯一果部嘟，校長就叫ｄ人行入ｄ，因為ｄ狗賊要落閘，搞左成幾分鐘先輪到我嘟

早會，嘥晒ｄ時間做果份問卷，吹到我地班係全港三班其中一班做份問卷囉，長腿嫦仲講到好似好光榮咁∼唉∼份野係調查香港中學生ｇｅ睡眠情況ｇｅ，不過問埋離晒題ｇｅ野囉，睡眠同做唔做功課有咩關係呀？成個早會就咁過左...

中文ｘ２，肥丘教六國論。討論果陣，我都唔記得做左ｄ咩，總之我地前後四個都冇討論到課文啦，反而董董就自己一個討論，佢勁爆啦，唔識人啦∼跟住我就魂遊左好耐，直至落堂SAY GOODBYE果陣先比肥丘叫醒∼

ｍａｔｈｓ,上堂之前,我地幾個問長腿嫦去廁所,點知紅子毛跟住去,ｓｉｎ同基基跑去廁所,紅子毛又跟住跑,仲跑到好似個色魔咁,爆可怕ｇｅ場面,好彩我冇跑。返到課室，好乖咁做長腿嫦ｄ題目...上上下堂就打火警鐘,走火警,明知係演習,所以成班慢慢落,吹到長腿嫦以為我同人爭位落喎...你估我趕住行咩?!無奈...之後排隊又比長腿嫦哦左我幾句...反嫦呀!!!

放小息,留左小食部陪利九佢地食野

ｈｉｓｔｏｒｙ　ｘ２,個小測取消左,好彩冇温到...派返份功課同講書,周文王打九方唔夠快,叫左金伯出去幫手打,我地就抄...周文王剪個頭好型呀!!!

lunch,要落去教員室門口罰企,so冇出去食到,同軒軒去左企,老伯叫我地上返去補做返比佢,我上到去就做book report,mp3...

中屎x2,丁丁講秦始皇,討論果陣,丁丁行到黎,我就狂吹秦始皇有幾衰,唔知丁丁見唔見到我d"紫甲"呢?

英文,ben chow又派我d作文比人睇,尋日話完我不雅,今日就話我冷血同黑心,佢真係...#%*@

放左學要開班會,講要交幾多班會錢,又話交少d錢就玩少d遊戲,最尾四十蚊...成交...之後又練歌...聽到pierre話要唔做喎...做主席做到咁sad...慘呀...臨走交左份geog就走人

p.s*天氣冷了,希望妳多穿衣服...雖然不能親口對妳說,但我真的希望妳每一天都開心快樂