好夜呀，我而家都未瞓呀~1:07~好唔開心呀！！！

其實我近兩星期都冇好好咁瞓過，可能係病左啦（其實係另有原因既，不過真係唔方便講）呢兩個星期既生活真係好似癲倒左，就好似而家咁晚都瞓唔到，我都唔清楚會唔會持續落去（我當然唔想啦，不過...)回顧返過去兩週,我真係好ｄｏｗｎ呀ｄ心情,比平時唔同左好多,或者我以前都未試過咁啦。啱啱呢個星期，派左成績表，比預期好，但我都要努力落去，不過而家就冇晒動力，比起測驗果陣有無比既動力截然不同∼唉∼難道世界上既一切都唔再重要，能佔據我既心只有掛念?未來既日子我唔想一個人去面對！

踏入十二月，令我回想過去一年，我今年真係經歷左好多好多，當中有夾雜住快樂同失落！我而家就係人生既低谷，好希望可能走過。唔知係我天真定係樂觀，我好相信"快樂，總不會離我太遠"　嗯...不久既未來有聖誕，下個月就有大考同埋我十六，有好多事黎緊。對於目前既人生，我實在太失望，好想回到過去，時間可回到暑假時嗎？

呢一篇係寒冬夜裡所反思既日記！