好攰呀...

今朝唔洗返學,所以好晏先起身...之後就睇ＶＣＤ<蝙蝠俠 - 俠影之謎>,睇左兩粒幾鐘...咁就一個上晝ｌｕ

下晝都唔好得好多,留係屋企聽歌,做下家務,餵下ｄ金魚....好無聊咁打發時間,直到五點就出門口返學校

本身話要五點四返到去,我遲左幾分鐘先返到,我去門口果陣幾驚比人捉遲到,仲有驚我ｄ紫甲...入到去先見到忠同一佢地仲係出面慢慢行,早講就唔洗咁趕,咁緊張啦...灰...之後逐一見到衣著潮爆既老師行ｃａｔ　ｗａｌｋ咁出黎,首先就係最幽默既曾曾,西裝好英呀~跟住就係我最驚既雪條,佢變成"絲仙",第一次見佢咁著,嘔呀...再跟就係老伯,佢放棄左ｐｏｌｏ,著西裝,再加埋八二分界,罕見罕見...當然唔少得我地以抽籤公平著名既長腿嫦啦,令成班人嘔晒血,加上埃及妖后個妝,簡直殺死人呀...ｗｅｓｌｅｙ奥斯卡呀...

入到去就坐,之後長腿嫦上台ｓｏｌｏ左首歌以搏出位,勁呀...好"高"既麗芬老師趕左個衣著類似機師既人走...到唱詩果陣,長腿嫦唔用咪,我都聽到佢把尖聲,仲有震音添,不如叫埋佢去歌唱比賽啦...校牧講道,校長講故事,搞到金伯同利九瞓晒,仲有ｔｏｍ　ｃｈｕ好地地狂笑,可怕的...利九瞓到個頭係我膊頭度...頒獎果陣先係今晚高潮,估唔到教到下年就退休既阿伯咁受歡迎,真係想混入去ｄ人度上去打佢...梅姐爆抵死呀,得一個粉絲(ｆａｎｓ),冇花收,台下大快人心,比佢教到唔合格...最勁人氣既係尹ｓｉｒ,ｆａｎｓ要分批上去送花...到周文王既時候,都有唔少人歡呼,包括我,唔知佢隻耳聽唔聽到呢?...之後校長呀,肥丘呀都有獎呀...詩班有個激似欣宜,好搶鏡,利九睇到眼定定...全程比後面個豬肉鳳鬧我同金伯...唉...

出到去就同利九,通貴強佢地走,點知ｓｉｎ同ｖａｎｉ佢地追殺利九,我都受到攻擊...搭巴士走人

ｐ.ｓ全因為妳　令我一生都佳美　妳令我生命從空虛化做傳奇　*希望我唔會再空虛落去啦,可以嗎?