前日,尋日同埋今日都係入左camp...今日先出返黎...呢一個聖誕節就係喺個camp度渡過... 

25/12(聖誕節)MERRY X'MAS...同上年一樣,今年都係入BB CAMP;同上年唔同既係...唔講...,上晝返到去,去冬令營既人就好早搭車...而我同阿牽就落左去食野先上返黎,之後就搭包車去大埔...估唔到分隊叫左架六十人大車去...全車先十個人唔夠...去到就點名,見到翻版莫sir同埋好多熟悉既人...去到要背金句喎,好有主日學feel呀,最正就係背完有背囊送喎..o晒咀...攞完禮物就去宿舍揀床,我同阿牽揀左個窗邊位...之後又去hall學擦鞋同擦皮帶,係咪當我地新隊員呀?呢Ｄ都要教,好怪喎...原來個翻版莫sir係歌神,咁鐘意唱歌都有既,仲唱到好起勁...之後又玩分組game,我果組得五丁友,個組導師就成個黃子華,不過真係好好人同埋好搞笑...夜晚食盤菜,呀黃子華SIR要我地成組玩人頭猜妹先夾得餸,我冇食到野,我對盤菜好厭呀...夜晚有營火會,翻版莫SIR又做主持,救命呀,全部人土人舞...癲左成晚...呀SIR特別揾左我去傾計,幫我祈禱,ｔｈｘ...返到去宿舍,玩UNO,引晒d人一齊玩,同ｄ人熟晒...成晚同啱啱識既彭彭,呀牽同埋其他人一齊傾計...好晚都冇瞓,搞到呀SIR入左黎幾次叫瞓,最尾同彭彭聽聽下MP3就瞓左...呢一個聖誕節就咁過左...ｏ

26/12(BOXING DAY)朝早我係全房最早起床...七點幾趕去ｈａｌｌ,之後要去SHARITY,又見到89...上到樓,全組得我一個有經驗,呀SIR叫我做領隊...有個人真係笑死我,佢見到張野問個老人家ｄ身體狀況,就好直接咁問個呀婆"你睇野清唔清楚呀?聽野清唔清楚呀?"...笑到我同呀SIR...我真係要學下ｄ客家話...我聽唔明個呀伯講咩,佢講"出街",我聽錯左做"吹雞",搞到勁尷尬...下晝返到去,玩歷奇,好正呀,上到幾米高既木上高行,正呀,我玩左兩次,但又有個組員喊,又上唔到去,呀SIR話如果佢上到去,就有兩個CUP NOODLES,哈,但個人都係好耐都上唔到去,好慘呀...又玩障礙賽...勁多野玩...夜晚,有福音晚會,個牧師個樣真係好熟,原來之前學校個佈道會見過,又唱返佈道會ｄ歌,不過好好聽...真係好多感受,好想喊,但咁多人喺度,所以...最尾呀SIR早放我地組...我地又玩UNO,玩完就出去行左陣,同彭彭同埋呀牽玩TOD,順便同彭彭去唱錢,見到綿花糖病得好慘,之後MADAM黎打電話,之後送走左,希望佢快ｄ好返啦...之後又返房,全房一齊傾計...估唔到佢地咁搞笑...有個SIR送左成箱果肉王入黎,要我地ｓｈｏｗ　ｃｄ比佢見到先派比我地,但佢突然問邊個係一柴,咁我同另外幾個人舉手啦,我以為佢諗住罰我地,原來係叫我出去攞多幾支果肉王入黎,都唔知佢ｄ果肉王係咪落左迷藥,我地飲完就瞓晒..可怕

 今日,今朝有人個鐘六點半就勁嘈...嘈醒全房人...有人喺床上因為包童星點心而隻揪...打到喊晒口,我阻止左好耐先搞掂...查經,仲有個聖經問答比賽,好難得我果組咁投入,可惜我地都輸左...之後合組討論...呀ｓｉｒ好火呀...之後又冇咩...食完野就執野,有人好大聲咁講"整理個制",點知比翻版莫SIR聽到,但佢當冇事...跟彭彭又爆粗,呀ｓｉｒ入黎,鬧佢...個袋執到爆晒...好唔捨得ｄ新朋友,唔知幾時先可以再見到佢地lu...完左就搭車走人...返到屋企,簡直去左第二間屋咁,咁整齊都有既,哈...

P.S  當呀sir問我有咩係放唔低果陣,我雖然口答係學業,但心裡面既答案始終都係妳,我閉目都係諗住妳...我就算係幾失敗都好,都唔會去放棄果一顆時刻諗住妳既心...喺一年前既我都估唔到跟住既一年可以...;一年後既我都盼望一年前既奇蹟再次出現...可唔可以比一次機會去創造未來?呢幾日一直想起過往既片段,我怎可以忍受沒有妳的日子,係幾咁難行既路,係幾咁黑暗既路...未來既路我唔知係點,但我好想陪妳去行...