| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
| 2005 年 12 月 12 日 星期一 |
 | |
心亂如麻  |
我真係唔知可以點做呀?!我唔知我聽到既野係唔係真呀!但我聽完之後喜極而泣...
今朝,因為尋晚我呀爸買左隻"蝦你波凸4",果隻所謂既大陸正貨係我呀爸從上海空運返黎架,咁我就睇晒啦...咁就搞到唔願起床...好快咁沖涼...之後趕落去MTR站,小巴站見到SIN,佢都係遲起床,我都唔明自己點解日日都好遲先返到去...今日去到小西灣路口,SIN話落車跑返去,我原本諗住福建果度落,不過都算啦,未跑到門口就打鐘了,OMG..都趕到...好彩...
上到課室,唉~又係個呀伯,天呀,我的剋星呀...今朝播"誰曾應許",好聽,但播完又聽到長腿嫦把聲...又嘔了...之後尹SIR SHOW TIME,講左好耐WTO會議,唉~我都唔明講咁多做咩~又冇得停課一天!!!好想唔洗返學呀!!!收功課果陣,難得我今次主動話要收MATHS簿,個老伯仲串我囉,唉~收得十本唔夠,仲要有兩本係魚目混珠,GEOG當MATHS...
第一堂係BEN CHOW講聽日SBA考試d野,我今晚要整定先得...
P.E,呀SIR萬歲,THX~出左去對面藍灣個波地踢波,第一場對籃球明星隊,久攻不下,最終都WIN1:0,第二場,對利九果隊,好難打,佢地入我地波先,之後我入返一粒,追平一比一...踢到死死下,呢幾日搞到成個人腰酸背痛,不過有得踢波好開心呀!!!
小息...平平無奇
MATHS,返到去課室,見到個個都訂飯,變左全班生意...哈哈...連長腿嫦都訂埋一份...小測派返,冇我果本,長腿嫦問點解,我話唔知,佢話當我果日缺席,唔計果次,我計過D平均分,有成九十一點三三三三(無限個三)分咁多...冇BRING CH.12呀,唔制呀...
LUNCH,落左去食飯,D F.7好過份呀,霸左成三張枱,搞到冇咩位囉,算,食完飯去綵排...我地唱得都算唔錯啦,班班唱到冇神冇氣,我地果首歌咁輕快,睇怕我地都三甲啦...上返去,利九同SIN佢地玩紅子毛,搞到利九變左白髮老翁,紅子毛可怕的...好在我唔係坐紅子毛隔離
HISTORY,周文王發威了,收功課要即日交,又唔比人堂上做...唉
中屎,丁丁教"看潮"...教完之後,丁丁做左周文王既幫兇,留左我地
放學了,長腿嫦同周文王門口接我地放學...我諗住同長腿嫦講我果日塞車先遲到,點知冇用...攞埋D HISTORY落去遲到留堂班做...闊別了一年的留堂班...我回來了,但我希望係最後一次,係人都唔想留堂架啦...排隊點名果陣,我後面個有個智障人士,我唔可以咁話既,畢竟我地WESLEY都收左佢,可以話係我師弟啦,可是他的行為怪異,令人髮指,可怕的...唔達成話冇晒遲到留堂工作紙喎,搞到我失去了一張A4,作左三百字...我真係倒楣,個智障坐我對面,佢D雲吞丟到地上,爆令人作嘔呀...佢仲嚴重阻礙我留心的做HISTORY呀,超想走人...他可怕的還是他看書的時候,佢攞住本"周處",睇到不停傻笑,痴線架...我細個睇果陣又唔見我笑!!!周文王落黎揾我同基基,叫我地完左之後上返4A...
返到上去,周文王又話佢走人,唉,早講走人啦...之後我都走左人...
P.S 我真係好想我今日知道既野係真架,因為我一直都冇放棄呀...愛
|
| 刊登時間︰2005-12-12 06:43 PM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 12 月 11 日 星期日 |
| |
今時今日  |
秋天過去了...但思念像楓葉般緩緩掉落,落在我心頭...希望冬天是有轉機的冬天...
今日我八點九起床呀,太遲了,好彩唔係平時咋,唔係既話一定遲到...呀媽又未起床,我拍門叫醒佢啦,點知佢病左...我唯有自己一個上去教會啦,上到就比文姑姑問我洗左甲未,我話未洗,佢就鬧我做咩唔洗,佢叫我完左聚會就落商場買洗甲水...我原本約左陳SIR傾計既,不過佢走左落去同周XX X2食早餐,咁我同阿牽就落埋去買洗甲水...上返黎,陳SIR又傾緊計,我就去踢陣波啦,第一腳踢左落街...哈哈,落左去執波...上返黎,又踢過...踢踢下好多人踢埋一份,幾好玩既...踢完之後,陳SIR就揾我傾計,傾左好耐呀,同埋傾得好深入,知我者 莫約陳SIR也!!!佢由細睇到我今時今日,好清楚我點諗,完全唔似係一個四十幾GE人...THX陳SIR
P.S.無論係咩時候,我都仲會去愛妳...年月縱過去,未忘掉妳...
 |
| 刊登時間︰2005-12-11 04:53 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 12 月 10 日 星期六 |
| |
| 唯有悲傷才可表達真我 |
尋晚好早瞓,十一點幾就瞓左,完全唔似平日夜生活既我,可能因為出席左個畢業禮啦,昨日太攰了.... 我今朝就八點先起床,原先諗住出街買ｄ野既,但最尾都冇去...之後又瞓著左,去到兩點幾先比阿媽叫醒,返ｂｂ
一返到去,勁多人發現我紫甲,早知就今朝去買洗甲水啦...幫手去整旗果陣,比文姑姑睇到我紫甲,我比佢鬧左一陣,當然係話我唔應該紫甲啦,我狂點頭,我係唔啱,不過都唔好鬧埋我冇家教啦...靈修,我去左用火水抹紫甲,但失敗左...之後就落左去體能章二級+田徑章一級,一落去就要跑十個圈,跑得好輕鬆...跟住就左幾樣野,都ｏｋ攰,再加上舊患復發,好辛苦呀...最尾仲要跑多十個圈,完全跑唔到,一用力就胃抽筋,跑步變左行路...跑完,就坐左去聽陳ｓｉｒ講野,陳ｓｉｒ講講下就突然間好大聲咁話我地冇聽佢講野,嚇左我一跳...我果陣仲係有ｄ胃抽筋,所以面色唔係咁好...之後就突然見到一個姓唔既中國籍男子望過黎,唔知佢做咩,佢望左幾秒就冇再望,我都以為冇咩...之後步操,陳ｓｉｒ道歉,話頭先大聲左ｄ,同埋話佢大聲唔啱,講真,如果佢咁話,我會好內疚,因為我果陣四圍望,佢話果個可能係我,ｓｏ...之後上返去,勁唔開心同嬲,上到去就比果個姓唔既男子拉左去另一邊鬧,我兩個禮拜之前都比佢拉左去鬧,佢係咪無理取鬧呀?完全望都冇望過佢,佢話我睥佢囉,仲用個導ｃ身份黎警告我囉,冇做過唔通要認咩?仲要係度比你屈,比你恐嚇我...話我以後再咁做,都會揾我去鬧,我兩個星期前都已經忍辱,比佢鬧都冇出聲...但今日又屈,我之前暑假果ｄ都同佢一筆清啦,佢係都要攞返黎講,仲話佢唔趕我走已經好大量,問題係我話要ｆａｌｌ ｉｎ果陣,佢唔比,我話要去揾人頂替我,佢話佢去叫,我都話明我係紅旅啦,佢仲好似驚死ｄ人唔知佢話緊我咁,係度問ｄ人我係咪紫旅,佢作為紫旅既導ｃ,有咩可能話我係紫旅呀?!佢仲話我再係咁就唔比我升柴,我唔升柴唔緊要呀,問題係你次次都話我對你唔友善,我又冇做過,如果咁樣比你講晒,呢個世界仲有冇公平呀??!!我果陣已經忍唔住大聲左幾句,ｓｏｒｒｙ,不過你再係咁屈我,我都冇辦法...你仲要同陳ｓｉｒ講,我都唔介意...你話要同文姑姑同莫生講,我都無所謂,反正我真係冇做過,就算係點,我都唔會認...
ｓｏｒｒｙ,我今日真係好嬲果個姓唔既人,我盡量啦...用左大半黎話佢..唉~算啦,但我真係唔明點解佢係都要咁囉,我都想可以和平架,你估我真係得閒冇野做牙,我本身已經好多野令我唔開心,你仲要係咁屈我,有冇搞錯呀?我忍夠你啦!!
完左就同阿牽走人
ｐ.ｓ 我今日就算有幾唔開心,我都好想妳可以係我身邊...我都知冇可能,但係呢個只係奢望...妳卻偏偏離我很遠...依然會守候...就算沒結果... |
| 刊登時間︰2005-12-10 08:08 PM [ 訪客留言(1) ] [ 編輯日誌 ] [ 分享至FACEBOOK ] |
« | 13 | 14 | 15 | 16 | 17 | 18 | 19 | 20 | 21 | 22 | »
|
