呢兩日患上左遺傳既季節性鼻敏感...狂流鼻水,包雲吞,頭痛,想瞓,冇晒精神,想嘔...尋晚九點就瞓左...希望快D好返啦...

16/1...

中屎,講份卷答案,又話下星期一小測...BAD NEWS

ECON,又講卷,我冇攞到返黎,SO冇得加分....

小息,SIN去左SICK ROOM,我食埋野上左去GEOG ROOM,原來阿伯叫晒全級黃社社員去,勸我地參加陸運,話我地好少人報名喎...我報左...十幾人報左...我地黃社年年都係陸運冠軍黎GA啦,年年都係最少人參加,最多人攞金銀銅...我估今年都係黃社天下...

英文,淪陷了,連環不幸,雖然冇炒...如果問我係咪預料之中,我會答唔係...對於今次所得出既成績,我真係好驚訝,或者係我自大左d啦,失望...我自問我係未盡過力喺呢次exam...一時之間難以接受咁大既打擊...

maths,派卷,雖然係四個之中最高分,但都係炒左,仲有差兩分先合格...唉...我諗住玩嫦娥,扮食香口膠,佢見我口郁郁,就叫左我出去...嫦娥臭臭了...跟住問我點解maths退步得咁勁,我話我唔識,佢死都話信我一定讀到,只係唔用心...冇野好講,仲話會打去年我屋企揾家長...

英文,corner講野,半班沉睡了...

中文,冇派卷...但講答案...肥丘話我果行do re me瞓晒,我係fi囉,冇瞓到,讚我係全行最乖,笑爆我...跟住我真係食香口膠,比肥丘話我...

返到黎,好早瞓左教....

17/1...

早瞓唔一定早起身,今朝七點八先起身...落到小巴站,打蛇餅...勁遲先上到車,同sin佢地一班車...去到小西灣仲塞車...中基個路口落車,先見到前面架106死火,咁我同sin佢地就有大條道理遟到,慢慢行返去...上到去,8:25,明知同嫦娥講係冇用,都試下,嫦娥唔理,仲話要自己去揾訓導組...

中文,派卷呀...ok啦d分...呢兩堂過得勁耐...

maths,又講份卷,唔小心瞓著左...

小息,落去揾訓導組,我地淨係諗住揾曾曾,點知曾曾話要揾返級ge負責老師先可以取消遟到記錄,即係割月光同地中海四仔天王之中揀一個...我地揀左地中海四仔天王,sin召喚左地中海四仔天王出黎,嫦娥經過,賤到嫦娥落井下石,搞到四仔天王鬧左勁耐,講埋晒d無謂野,仲要笑住咁講,又勁大動作,話"早一個鐘起身係天黑同天光既分別;早十分鐘起身係天光同天光既分別"...呢句完全唔知佢講咩...攞我地發洩...隻眼仲唔知望左去邊度...最後仲話要開會決定...

history,全班得到12個合格...我係其中一個,哈...

中屎,教返書...好攰,不過幾好聽...

eng,ben chow入黎又發癲,迫我地聽日交返d野比佢,否則死...可怕...我欠佢的六樣仲未做...

放學,柴灣爆水管...引發大塞車...半途落車,行返屋企...前後成一粒鐘先返到黎

P.S 當我考緊試既時候,妳每秒都浮現在我腦海,仿似為我打氣...當我傷心失意既時候,我又想起妳,我想起妳曾說過會安慰我...外面既世界令我感到無力去面對...若果我可以跟妳行,我相信一切都可以勇敢面對

今日同尋日有好多共通點,又係好似尋日咁遲起身,又係比電話響,又係返教會遲到...但遲到我真係唔想...如果係夏天既我一定好早起身,冬天就完全唔同...

今朝係呀牽打黎既電話令我醒左,趕返去...去到見到呀牽好悶悶不樂咁坐左喺度,SORRY...尋日真係好攰同埋好腰酸骨痛...係時候要用X海X骼,可以強化骨骼好有效...算啦,都係唔賣廣告好D...跟住做過D咩都唔記得...淨係記得有D野諗住比,但冇機會比...自己一個返返屋企...過左一個充實既下午...呢幾日我開心左好多,雖然未到最開心...可能因為生日啦,不過呢個唔係最主要既原因...講返之後先,跟住入左香港仔食飯...收到好多生日禮物,但全部都唔及我最愛果份禮物...之後趕住返黎睇十大勁歌...無賴係2005年既金曲...好野...

開心左咁少,聽日又要返學,補返欠ben chow六樣homework,但我仲未做呀,點算...

P.S    又要等幾多日先可以見到心愛既妳?但為何對著朝思慕想既妳,我又偏偏缺乏了勇氣?想講既野又唔敢講,寫又唔敢...我好明白我所需要那半正是妳....我會為妳去鼓起勇氣,要妳看見我愛妳能這麼堅定...

無賴萬歲!!!

沒有根的野草　飄忽的命途
誰像妳當我寶　什麼也做到
舊愛數足一匹布　在這刻寫句號
只想跟妳終老

在地球　唯獨妳愛我這廢人
　出錯妳都肯去忍
　然而誰亦早知不會合襯
　偏偏妳願意等

　為何還喜歡我　我這種無賴
　是話妳蠢還是很偉大
　在座每位都將我踩　口碑有多壞
　但妳亦永遠不見怪


還喜歡我　我這種無賴
是話妳蠢還是很偉大
在座每位都將我踩　口碑有多壞
但妳亦永遠不見怪

何必跟我　我這種無賴
活大半生還是很失敗
但是妳死都不變心　跟我拼命捱

換轉別個　也不忍心　偷偷作怪

十六歲...還是那個大不透的我...尋回那份天真...

12/1

星期四,我見十點五十分先開考,就十點三十出門,點知原來十點三十係我屋企個鐘既時間,同我隻錶有十分鐘出入...

唉~我遲晒大到,好樣衰咁行入去考試,仲介要比尹sir睥左幾睥...早講就早Ｄ出門啦...是但啦,好彩未播listening d 內容,大把時間做...梅姐出卷...咁就考完晒所有試...之後,成班人走晒去踢波,我就返左屋企...唔知點解我對踢波既興趣會減少咁多,可能我長期比隻腳傷患困擾,又或者...

13/1

13/1係咩日子?黑色星期五...仲係我十六大壽...估唔到我十六歲既第一刻都仲以為自己係十五歲...我七點十分出世,點知我又係比個鐘玩,以為仲未過七點十分...唉,咁就十六歲...

返學...我上樓梯果陣,見到BEN CHOW,BEN CHOW比我呢個壽星仔玩死...今日係基緊營...好多老師走晒...仲諗住好多空堂啦,點知今日又冇嫦娥既數學...

早睡,林sir基緊...體育呀sir上黎監堂,仲慘過本身林sir教...利九,呀一,呀德同湯豬都去晒我後面聚集...

econ,都算容易既一科,但出黎既成績就...四個之中最高分...

週會,完全唔知講咩...

中文,我原本睇死肥丘改唔晒Ｄ卷...點知派到listening喎...明明有兩分可以加,肥丘話我份卷有擦膠痕喎,唔比分,過份呀!!!四個之中屈居第二...跟住去mmlc,門口排隊,見到之前F.1果個癲佬,好搞野呀,肥丘做手勢噓我地,個癲佬就噓肥丘,肥丘勁無奈...跟住個傻佬就扮飛機咁飛走左...入到去,去個網做文章閱,D讀後感勁正,利九用英文做中文讀後感...肥丘CHECK返我地D成績,見到彌敦道,叫:「彌敦道,舉手!」,我舉手,肥丘行埋黎,叫我改返做正名...

lunch,度度都冇晒位,同利九行左N咁多路先食到野...多謝SIN果份生日禮物,簡直串爆...

中屎,丁丁一入到黎,比個冇表情既樣我地睇,我地仲諗住會比丁丁訓話,但竟然冇事,丁丁仲話滿意...丁丁D戲超真...

地理,我本身已經預左會炒,一如所料,可以唱"三字頭",生日都要收卷,仲要係最唔想果份卷...跟住果堂ENG,BEN CHOW又基緊,阿伯用埋果堂黎做GEOG,有冇搞錯呀??!!地圖閱讀...

放學,原本要去留堂班,基本上就算張貼名單有我個名,我都唔會留,照走人...最正就係冇我個名..返屋企...

返到去,之後出左去...我真係好開心呀!!!我收到我最鐘意既生日禮物!!!如果我年年生日都有就好...果個時刻係我生日最快樂既時刻...雖然我口表達唔到我果一陣係有幾咁興奮,幾咁驚喜,幾咁感動,但我內心真係有一種難以形容既心動...縱使只係好少既時間,足以以令我深刻一世...我呢個十六歲生日就因果一刻而冇枉過...

返到屋企,幫手執屋...之後鴨鴨全家黎晒打邊奴...鴨爸爸買左個生日蛋糕,但我冇食到,係因為...唔講得...十二點,真係現實,D人即刻走晒,咁就過左我既生日

14/1,

我十點先起身,我起身係因為彭彭打黎,先知道原來我尋晚訓左響客廳...迷迷糊糊,但我尋晚冇飲果肉王喎...下午,沖完涼,跟住做左D野...點知返去BB遲到,靈修之後又體能+田徑,跑得好辛苦,返到屋企勁抽筋...MARCHING果陣我隻腳軟晒...上到去比人鬧我,UPSET的...踢左陣波,走人...今晚個有線推銷員黎左三次,最尾決定裝返有線,好野...曼聯呀,振作D呀!!!

P.S    妳比我既野係冇野可以代替...因為妳,縱使黑色星期五既生日,我都係因妳而快樂渡過...十六歲既我,唔知會掂變,但我肯定我愛妳不變...妳知嗎?老鼠愛大米既程度遠不及我愛妳呀!!!