好驚呀,吾知老細會點對我呢.今日他問我琴日睇左本catalogue有咩問題想問,有咩吾明?其實我,琴日係他出左去之後就成日玩msn,所以我都無咩問題可以問.我只係求其問下問題,我好驚呀..甘我就話再睇多次先..對住本野真係好鬼死悶..全部對我來講都係新野.好似咩都吾識.唉..好驚他會炒左我,狢狢係個間公司吾做,都係出𢤹啦,真係好驚會無左份工呀,所以我今晚帶左d野返來睇.

琴晚去左老細連任會長既就職典禮,好多人呀,百幾個人,甘大個仔都好少去呢種場合,仲要有水務局同屋宇處既處長來埋,仲有好多高級工程師,好開心呀,大開眼界,琴晚仲靜雞雞甘走埋去他地後面度影左張相..hehe,覺得自己好威水呀..

但今日就麻麻地啦,今日返到公司先知無帶到條key,肥仔又吾係屋企,傻下傻下甘走返屋企攞.點知10:30先返到公司.點知一入到公司個死人冷氣搖控器壞左.我頂..又要走出去買.

今日成間公司都無人係度得我自己一個人係度,咩都吾想做,玩左成朝msn,今次死啦,我好驚星期3要ot,無啦啦來左一份變態標書.咪都要自己係張圖到自己數自己搵,張圖又大又花又亂,睇到眼都檬埋......

好想有個女仔陪我去尖咀搭船,同埋再去睇風車呀,我都未去過黃金海岸呀

老細又吾係公司啦,今個禮拜好多日都吾係公司啦.好開心,得閒到飛起,多餘時間可以係公司學cad做下管理學既公課,同學下英文,真係好開心,琴日上堂同個同學仔話我想學日文,他同我講話他學左三堂就吾學啦,因為有成100個音標要記wor,一堂120元,好似好貴甘.最衰無d係觀塘既日文語學校啦,如果有既話我都即刻報名了,因為我依家係ice個班全部都係男仔,一個女仔都無,真係傻嫁,又好想學識 日文可以入去d日文公司做wor,不過呢個都係發下梦先啦,都吾知個100個音標係有幾難讀.haha