今日都好似幾好嘅, 但其實唔係幾好(咁即係好定唔好?!)

-----------------------------------------------------------------------------------------------------------------------------------------------

話說尋晚好夜瞓, 諗住聽日會好遲先醒啦

點知...今日9:30已經醒咗=,=(唉....)

要知道, 以我啲咁嘅人如果早醒嘅話...係會引發世界大戰(小型)

於是我就執下屋啦...即係掃拖洗抹淋捽擦(唔係人名= =)等各種技巧

點知拖拖下, 拖把俾櫈腳kic住咗....

咁我就扯啦....扯扯下連我都扯火, 於是我將我嘅火同拖把嘅水融合!!!

大力一拉...

「呯!」一聲巨響(強調)

張櫈連埋上面所有嘢冧哂落嚟=^=''....

跟住點? 梗係慢慢慢慢咁去執番哂佢地啦......................

                               ~~~(1小時後)~~~

終於, 我凌酷經過一番奮鬥之後, 成功將嗰班惡魔打番屋企(死啦~!)

跟住...已經係11點幾....

再望吓周圍, 基本上係無郁過....(#@$%#)

為咗獎勵自己, 我開電腦

今日真係用拳機嘅好日!! 連滅多架強機AR The O 金閃等都死於我BlueAstray2L手上

用包機都好神勇架! 閃電 AR重高 超級高達等都被秒

但就係死係剪機嗰欄....俾好多(好多)包機圍死咗= =

-----------------------------------------------------------------------------------------------------------------------------------------------

跟住下午就去補習啦.....點知呢個時候長褲拉鍊kic住(頂! 又係咁)

「這個時候長褲的拉鍊簡直就比混沌高達更難纏!」---阿斯蘭．察拉

我又係一拉, 跟住拉鍊又係以死殉義.....

我惟有攞另一條褲啦....點知.......

無上皮帶!!!!!! OH GOD!!!

跟住就扯住條褲咁跑去趕地鐵啦, 原來我都可以咁快

呵呵, 3分鐘穿越愉景新城與地鐵站之間嘅天橋@@

跑跑下, 見到類似eve嘅女仔....但無時間, 惟有掠過佢

終於到啦!

點知D人仲未到哂(晴天霹靂).....................................

-----------------------------------------------------------------------------------------------------------------------------------------------

經過2小時嘅努力, 終於將law of indices + 二進十進十六進制搞掂哂

真係幾難嘅....不過miss至少都教得好明! 大家嚟獎勵啦! 地址係...(以下省略)

番嚟搭66, 真係算幾6

因為我可以享受非冷氣巴行駛時嘅風

「這就是我最滿意的報酬了」----我講嘅

-----------------------------------------------------------------------------------------------------------------------------------------------

瞓覺先