今日天晴, 都算係平凡既一日

---------------------------------------------------------------------------------------------------------------------------------------------------------------------

尋晚終於裝左收費台啦勁多野睇xdd

我終於可以睇夢寐以求既Animax啦.

動畫片!!! 我回歸啦

尋晚睇「攻殼機動隊」, 真係完全唔知佢講緊咩.......

令我明白到「睇頭要睇尾」哩個道理

跟住到「男兒當入樽」, 又係唔知佢講緊咩=  =

即刻轉台去睇「律政英雄」(雖然仲係第一集)

木村, 對唔住應該係久利生...真係好型呀!

為左破案, 佢走去睇H片xdd

人地以為佢一無是處, 其實佢睇H片係想了解犯罪者既心理

破左案又唔邀功, 將成績讓俾人地

咁既態度, 簡直係我既偶像

噢! my 久利生久利生久利生~~(回音)

播完之後, 又轉番Animax(梗係啦xd)

佢居然.....

佢居然.....

佢居然播「欠債管家奮鬥史」

漫畫就睇得多, 終於睇到電視版啦!!!!!!!!!!(神蹟)

尋晚仲係播緊頭幾集, 但唔緊要啦, 咪當睇多次

小八....真係好慘.....(佢係介護機械人)

俾主任(主任係靚女)拋棄仲唔止

番黎搵小颯報仇嗰陣仲爆錯大絕, 就係伸出蚊香為主人驅蚊.....

唉.....由呢一點我地可以睇到佢係一個幾優秀既機械人....

其實佢係因為外表粗糙, 怕水先俾人解除介護機械人資格.....

希望佢可以願望成真, 同主任交往啦!(祈禱)

睇完之後(播得個半粒鐘), 就去睇X檔案

尋晚個episode講話軍方掌握左幽浮技術

仲可以令人忘記部份記憶(連莫探員都出事.....)

---------------------------------------------------------------------------------------------------------------------------------------------------------------------

好啦, 講住咁多

而家去睇「律政英雄」

byebye~~