今日我都發左個夢呀..
個夢一開始就係放LUNCH...
跟住我就去左7-11買杯麵食.食食下唔知仲咩,又再買個海鮮味伊麵王(即係有一次我見到佢食果款),攞左一盒,攞住十蚊,諗住去比錢...
去到收銀處,排左好耐隊都冇人理..我嬲嬲地就唔買囉..跟住果個收銀處阿姐佢叫住我...佢大聲話[阿妹,D伊麵20蚊4盒喎..]我盯住佢一陣(惡意),跟住則邊有個人細細聲講[食咁多黎仲咩野呀!],我就好似抄橈咁講(勁串)(同果個阿姐)[係囉,食咁多黎仲咩呀!!]果個阿姐係到笑,D人都係到笑,有D仲拍手掌潻,果時我幾威,哈哈..跟住我去返我兜杯麵到,見到小學同學TAM,佢話(笑住講)[nancy,好威喎..]就係呢個時候,我無啦啦又返返去收銀處,又攞住果盒麵,仲排緊隊,到我啦,佢do(形聲)左盒麵,係我手上攞左十蚊,再找返五蚊..我唔知仲咩咁嬲,超超大聲咁講[我有話買盒麵咩,仆街!!!!!!!!!!]全場靜晒,好似得返我地兩個咁...果個阿姐就話[阿妹,洗唔洗咁串呀,而家唔可以攞返五蚊黎換黎十蚊喎..]我盯住佢,佢就攞包麥提沙出黎,攞埋落個膠袋到,當送比我咁,不過包麥提沙開過架..我又盯住佢,心諗[算..]個阿姐又話[你睇住黎啦..]我果陣時個心驚驚地,因為我穿緊校服,我驚佢話比學校聽,我好嬲咁又想行返去兜杯麵到,我又見到另一個小學同學,佢無啦啦讀左陳融,佢望住我笑左笑,我就話頂佢個肺(話緊個阿姐)就係呢個時候,我就醒左囉.....~~~~~~完~~~~~~
個夢咁鬼奇,哈~~~~~~~~~~~~~~~
|
