今日割左愛囉
俾左個file你
其實真係有d唔捨得囉T3T
之後有個"環保fashion show"
kai子坐我隔離
俾佢狂整我
但就玩左佢個all back[嘻嘻....]
佢係kai到不得了
我隻襪俾佢踩到黑左[係有個印囉]
好鍾意葉芯如件衫既嗰隻紫色
好靚囉
都唔知個比賽結果係咪內定嫁
又會全部都係同1team人攞4個獎(得5個獎)
kai子話幫文詠詩同李佳黛嗌嫁
但佢唔係第一個嗌囉
係同第2次出場
佢先嗌囉
我就話佢做咩唔嗌
點知佢叫埋我一齊嗌
我話唔嗌
佢問我點解
我冇答佢
淨係叫佢嗌左
我先嗌
佢就彈左一句"低能"
咁我都認嫁
因為我根本就係
好彩你唔係話我運吉精遮
跟住老師話要留喺hall
仲要跟house坐
睇咩問答遊戲
kai子轉過黎問我
佢應該同邊個坐
我答佢:欣欣囉
佢就話
你唔提我
我都唔記得
(因為佢鍾意欣欣)
咁之後既問答比賽
唔知點解我覺得
我地house d問題好難囉
又問
蟹既血係咩色
郭思香同盧詠詩好勁囉
答啱好多題
但我地house都係得104分
我見到有人冇舉過手囉
得個坐字
有d勁淺
佢都唔知識
有題先好笑囉
俾左一張公眾人物既相我地睇
叫我地估佢係邊個
大家見到張相都"嘩"一聲
而嗰位人兄既名就係叫
黃華華囉[我聽到O晒]
放學嗰陣
見到呀bo黑口黑面
問佢做咩
佢唔答我
望番前面
先知原來林思敏喺前面
都唔知點解佢對腳咁長
都可以行咁慢嫁
琴日番屋企
喺地鐵站
我行緊去入閘喇
咁咪一路行一路拎個銀包出黎
去嘟八達通喇
都唔知自己咩事
隻手伸入個書包度
但就攞左個計數機囉
不過好彩我未攞出黎
就已經知道自己衰左
如果唔係就真係好樣衰
嗰一刻覺得自己好白痴
上個星期五
我夜晚同呀媽睇完戲
自己搭車番屋企
因為6點幾就食飯既關係
我覺得肚餓
咪去m記買野食囉
我諗住要個5號魚柳包餐
點知自己嗌左個8號雙層芝士孖堡餐
我仲要係自己嗰時嗌錯左都唔知
直到番屋企
食落去先知囉
依加都仲覺得自己好白痴
自己又試過
要去攞叉食麵
但結果我係攞左隻匙羹
咁就又再證明我係白痴
都唔知點解我係咁白痴?
但我就肯定我低能係天性
冇得改
白痴下都好既