自從考完試
成日都好無聊
都唔知做咩好
琴日聽歌都聽到喊
唉.........
連睇書都睇到喊
我係咪水做嫁?
喂!
想用晒d水份遮
可以唔用喊
流下口水都得嫁(唔好睇隻眼呀唔該)[流口水都好核突,不過是但喇]
但奇怪既唔係我喊
而係....
我連續3晚都發左個差唔多既夢
都唔係差唔多既
係好奇怪遮
第一晚:
我番到學校
坐番自己個位(唔好問我坐邊,因為唔記得左,隔離係邊個就唔講喇)
咁我咪同d fd傾計
突然A.Leung入左黎
後面仲有一個我好熟悉既人
仲要係一個我為佢喊過既人
我見到佢
心諗
唔係掛
佢冇可能黎我地學校嫁喎
跟住嗰個人係漠視A.Leung既存在
一直行去我斜右前面個位
仲要同我hi
又話"又會咁啱既?"
我o晒咁望住佢
覺得自己係撞鬼
不過我都有同佢hi番
之後上中文同中史
兩堂都見到miss蔡
小息嗰陣
我本來同d fd傾緊暑假d野
嗰個人問我得唔得閒
嗌左我出走廊
咁我見我都得閒
咪同佢出走廊囉
佢問我知唔知點解會黎我學校
我話唔知
佢問我想唔想知
我冇答佢
佢正諗住講既時候
就打鐘
跟住我仲醒埋喇

第二晚:
我係已經身處喺學校自己個位
嗰個人係企喺老師枱度講緊班會d野(佢係班會康樂)
佢忽然轉身嗌我
我係嚇到彈起左
我隔離嗰個就狂笑我
佢問我班會費仲有幾多
跟住我先知我又係班會財政
嘜點解我又係管$嫁?
我呆滯左一陣
我就答話仲有$900幾
佢就問我開生日會有咩好提議
我嗰時個腦一片空白
唔知答咩
kai子就喺側邊大嗌
我係o晒囉.....
點知我就醒左

第三晚:
今次係m記
勁多人坐左喺同一張枱
仲要係玩"ture or dare"
玩左10次全dare
我10次都冇中
但我睇到d fd既懲罰
係笑到我肚痛
跟住之後變番正常既"ture or dare"
第1局係嗰個人俾人抽中
d fd係問左個唔知咩既問題(我唔記得左)
點知嗰個人轉中我
我心諗
撞鬼囉....
今日咩日子呀?
咁我咪揀ture囉
佢問我鍾意邊個
我滴晒汗
我望住佢
再望下我隔離嗰個
自己都唔知點答
但之後我就醒左喇....

我諗番依3晚既夢
唔知佢係咪暗示某d野
但我又諗唔通囉
搞到我唔知點咁......
完全唔知係咩事