今日好緊湊
因為今日要去理工{唔好以為我畢業.我係去表演咋!!!}
先講學校
lunch time:
emily要去搵衛斯理
咁我,kai子&elsa跟埋去喇
emily喺2p門口以高音形式叫"關興詠,關興詠"{關興詠係怪物尼嫁}
跟著關興詠喺轉角位度行出嚟
就問[你搵我咩事?]
我地四個即刻大笑,重闖番入2p{嚇親我地}
kai子就唔知點解攞住本書重遮住自己塊面囉{-_-"}
emily同elsa都企喺dada隔離
等關興詠走咗
我地先同麥&dada講發生咩事
笑到我地肚痛{哈哈XDDD}
放學:
我呀媽琴晚俾咗$50我搭的士{重請埋kai子tim}
但喺學校門口好難折的士
我地咪一直行,一直睇下有冇的士
行行下有架的士
但係我伸手唔夠快
俾前面 St.Cat d 人折咗{T^T}
但過咗一陣又有架的士上嚟{點解d的士會無端端上嚟康利道?}
我同kai子就上車喇
架的士就兜番上學校,再落斜路{見到麥,詩&elsa,佢地都見到我地兩個}
架的士兜咗去麥屋企附近
再直去康瑞苑{kai子,今次益咗你喇}
嗰時已經4:10p.m.
落到康田苑,已經4:20.重要俾60幾蚊{落車嗰時撞到個頭}
我去到屋企樓下.elsa就call我
之後我一番到屋企就即刻換衫
同elsa傾咗一陣電話之後就走人{勁趕}
我過咗馬路,見215x冇乜人{以為走咗架車,就慢慢行.點知架巴士啱啱嚟}
跑到我死
好彩都趕到
理工:
不過今日都唔算太塞車
5:01分到咗理工大學{遲咗一分鐘}
我去到都唔係好熟地方
咪睇地圖搵嗰間"蔣震劇院"
我準備行去嗰陣,就見到洛童&周生
但係我叫咗周生,佢聽唔到
我咪跟住周生囉,去到大堂,周生問嗰度d人,點去後台
跟住周生先見到我{我咪同佢講,我有叫佢}
之後有人帶我地去後台
呀冷就成個人闖過嚟{我,洛童&周生都冇佢咁好氣}
我上到後台放低d嘢之後,就去換衫
之後周生就同洛童,我,英姐&呀冷去餐廳度食嘢
楊軍豪就嚟咗喇
嗰度d嘢都唔係好好食
周生重同我地搞gag tim
之後張老師就出現,叫我地去排戲
咁張老師就梗係先同呀冷排喇
我同洛童就遲d
呀冷排完一陣,roy仔就出現咗喇
咁roy仔&楊軍豪重有呀冷都要再排過<井邊會>{今次重要掛咪tim}
佢地排完,就到我同洛童排<榮歸>
我都唔知點解次次排戲隻手都凍嫁
d音樂又好難挾
兩套戲都排完之後,我地就諗住去化妝,但係思晴就啱啱先到
咁<井邊會>嗰套就又要再排過{我同洛童就唔洗}
因為之前換咗衫嘅關係,我已經可以俾Eliane姐姐幫我化妝
Eliane姐姐重話要幫洛童化tim{唔出奇,Eliane姐姐化妝好靚}
但Eliane姐姐幫我化咗30分鐘,因為要帶片子又有其他嘢要搞{洛童都就快訓着}
帶完又要整頭{不過今次係包大頭,用一隻好靚嘅藍色,重靚過呀冷隻紫色}
之後我地大概9點幾就着衫{我有勁大串條絮}
我地個個都着好衫,當然係要映相喇
我見到我"老公"(洛童)好有型
佢個冠好靚,再加埋佢一身造型=好有型
不過我覺得今次個個都好靚(除咗x x)
等d評判評分嗰陣就係我地表演嘅時候{好緊張}
表演:
第一場-<井邊會>
呀冷坐幕,roy仔就出場{roy仔好靚仔}
但d觀眾好怪,d唔搞笑嘅場面,佢地都笑囉!
第二場-<榮歸團圓>
先係洛童出場,佢要唱一大段嘢先敲門
我就後台收拾心情{我覺得洛童係最有型}
嘩!到我出場喇
一開頭都好安全.冇咩危險
但係去到[...父子乖離...]就死咗
不過我咁有經驗.後尾都識執生{唔錯.唔錯}
宵夜:
我地一表演完,就即刻落妝{不過今次個妝太濃,好難落.差d想喊}
跟住係尖東食宵夜
君君買咗好多雞腎,雞腸{我唔敢食,太恐怖}
之後君君車我,楊軍豪番屋企
張老師送我上去
總結:
今次係有史以來演得最好嘅一次.
我同洛童個妝都好靚!!!