琴日係中2的最後一日上課日，好開心。

係A班的日子好辛苦.，但係，有時都會好開心。A班一向比我的感覺，好有學習氣氛同D同學好乖。岩岩一開學個時，我仲係到諗:佢地讀書咁勁，點算?但係慢慢就發覺，原來唔係咁。有一樣點到依家都唔係好明嫁，就係2A的同學上堂係到玩，但係點解佢地D成績都係咁勁呢?點解我唔會好似地咁呢?今年我的成績好差lo。

依家我有時都會番過B班，同佢地一齊玩、傾計。一踏入2B的課室，好靜、好舒服。可以B班的同學佢地講野唔會咁大聲，又唔會係課室跑黎跑去。而2A呢，我地就係到玩，玩捉啦!!哈，成日都開戰，玩得好激烈。有時真係想番去B班。

最嘈的一堂就係數學堂啦。我地咩都係個堂玩。我地有我地傾計、玩，Miss有Miss講書。而人文堂呢，通常都係睇片、記底書的重點同做練習，有時都係到吹水(不過呢樣好小有)。從來都冇好認真咁教書。

岩岩升上F.2的時，真係好唔習慣lo。怪自己當初做咩入A班呢?不過到左依家，已經咩都習慣左。如果你比我揀一次，我都唔知揀入A定B。依家就冇咩所謂，因為A班 有A班的好，B班有B班的好。A班一有咩事發生，全班一齊罰or一齊負責。曾經試過，有幾個星期都冇左小息，係因為全班一齊罰。個時好憎佢地嫁，冇啦啦拖人落水。有時真係好懷念F.1的時候。唔知點解呢?可能F.1個時唔會咁樣，冇呢D事發生。

一年的過去，當然唔只以上咁小事啦，仲有好多好多，有開心，有唔開心。不過，從呢刻開始，呢D野都已成過去。

希望我地一齊升上F.3