話咁快假期就完..

咁難得早訓番..估唔到咁快又要番番夜訓既生活

呢個假期其實都有d目標做唔到..

睇書..

借左8本,正係睇左4本半..

睇戲..正係睇左一套-,-

踏roller..正係踏得3次,仲停留係要係平地先踏到既垃圾程度..

煲柯南煲到live..成功,但睇少左廿幾集非原創..

練跑練體能..一黎為左10公里,二黎為左考救生員.

雖然有因為hall練跑keep住跑..(某程度覺得反而跑少左),但係好似無咩進展

報急救班,到宜家都仲未報..

其實宜家我都有d迷茫，要考沙灘真係好難..

想試下做教練，但又覺得太難考，又覺得自己學得差

只係岩岩合格點教番人

我到底應該幫時間係嘗試幫人補習,做好準備

定係趁宜家仲有時間,當係興趣班又係,小小理想又好而去考救生？

呢個星期其實真係過得幾開心，日日去玩

見到好多好耐無見既人，做完運動就大家一齊食飯傾下計

最開心係琴日既練跑突然取消左！無端端多左半日睇下書！

今日我阿媽無端端話我高左

跟住我就去量啦(我有係屋企畫線自己幾高)

同2012年比又真係高左幾cm啵,但諗諗下岩先量個陣著住拖鞋-,-

姐係又要減番1cm!!!!!!!!唉= =

其實我成個假期都得玩係咪好幼稚咁0,0

 今日襯搭車番屋企,睇哂成本今期既青協雙月刊

引發左我思考..

本野問d中六或以上既人..認為香港幾多人先夠..

8個入面居然有6個話700萬人

仲有一個扮哂高深咁話..

「我覺得唔應該暇有幾多人，應該話應該有咩人存在。」

都9唔搭8..

之後佢又比人問會唔會育寵物代替生仔女.

佢答「唔會，因為阿媽唔比」

咁大個人唔通仲咩都要聽呀媽話？

仲有一個仲話要800萬人

宜家718萬人其實真係迫到爆..

仲想再多d人

我希望香港可以少人d tim 呀

呢班受訪者就好似無思考過咁, 由細聽香港踏入700萬人

就以為700萬人口一定係好..

可能中間真係有人覺得700萬人好啦..但我唔覺得會咁一面倒 6/8

本野仲提到  香港既女性初婚年齡

由1981年既23.9歲..到2011年變到28.9歲

主要原因係房住問題..就係因為香港太多人

而呢班人又唔想生仔/生多過一個, 成為出生率全球尾4,

因為「責任太大」同「經濟負擔大」

李麗珊於是出黎解話.

佢當年係廣告提到400萬，係佢生完仔女其實有另一個睇法

400萬唔係指錢，因為有錢人可以比佢學好多野，幫仔女成功

但窮人出唔到咁多錢比仔女學野，但仔女成功既例子亦都比比皆是

其實最重要既係

「能夠以賺400萬既心去對待丶教育自己既仔女」

其實成本野今期主題都係人口結構問題..

到左2018年,會係香港勞動人口最高既一年

然後因為人口老化而回落，而我地讀完書..就要係2017/2018年搵工..

香港不斷比人移民入黎，留落黎既就係太迫太多人既問題..

純粹綜合下睇到既野..訓先

 今日我好想打篇QOOZA

原本留係屋企咪幾好.

踢咩波？仲要去鍾屋村踢完之後去元朗食許願樹

咁點解一開始唔係水邊圍踢？

神奇既事情就發生左啦.

回程既時候比人捉到回程要罰我錢.

話就話第一次可以求情

但我已經18歲,唉..希望可以無事啦

Hehe

同場加送肥祥溝女圖

 得罪講句
PHYS真係痴線佬先會讀
I QUIZ！你F我就F我,唔會再讀,拉低我既GPA都係咁話

童話書,從成長中,難免要學會失望
遊戲,愉快但不會幸福:(
 

 我估大約係咁
我話聖誕節想人搵我去街

都要比輝輝串

輝輝唔通你有人約?

你唔識體諒人地感受?

你就自己玩JJ呀

 話說..

我有個COURSE叫SCNC,係SCIENCE FOUNDATION AND METHOD..

我個組有個組員,NON-LOCAL唔9做野.

但PERSENT又出現.

搞到鬼咁亂,之後我D組員REPORT左佢

結果監既TUTOR同PROFESSOR就搵我啦..

又叫我咩,份ESSAY可以搵番佢一齊寫,但我根本唔想抽時間搵佢..

個PROFESSOR唔至教我SCNC..仲有STAT.

我初頭好乖仔次次坐幾前下,仲好專心聽書.

後尾開始走堂,有時去訓教,有時去用電腦做其他野..仲成日著拖鞋.

我諗佢都已經認得我.

後尾有次係佢個QUIZ到訓著左,佢走埋黎叫醒我,串我問我係咪想訓可以走先..

本身諗住唉..算啦,,比你認得咪認得囉..

點知岩岩收到TUTOR既EMAIL叫我聽日搵佢

話關於ASSIGNMENT,

仲要同個HALLMATE收到同一時段見佢.

我同個HALLMATE一齊做之後一齊交,我懷疑佢懷疑我地抄..

今次都唔知點死好..

但求只係見TUTOR,如果成個團隊一齊見真係GG..

我唔想收警告信呀..

 懷念係SU房鬆鬆脆脆coco好味道既日子..

懷念係SU房掟麥仔既日子..

懷念係SU房打拳王既日子..

懷念係SU房叮飯食既日子..

懷念係SU房9 HEA死唔肯走既日子..

SU房..拉近你和我..

仲有咩你係懷念既??

 Show!咩off呀黃繼鋒！

係咪以為做到7下掌上壓就可以打死人呀！

7下引體上升先岩

做6下唔得既？做8下唔得既？

點解係都要做7下？

因為你7下7下7.7！

琴日同昌誠丶呀祖丶麥肇打波

麥肇扮哂有準時原則咁到左唔J出聲

跟住仲要話我地遲到

麥肇軒追波追到仆左係到

仲要慢動作向前仆,笑死~~

昌誠同呀祖係咁係到J個中三都唔知有冇既妹妹,唉~

個妹妹係黑矮版既吳詠奇

係半日前..我既壓力真係接近爆燈

但今日交完功課,宜家我諗我已經學識左點樣承受壓力

我覺得已經無咩好驚

驚又係死,唔驚又係死.

咁不如輕鬆d咁死

訓番覺好既再做,雖然今次可能拎得低分d,

但對gpa影響唔大,最緊要係我有精神應付一日既事..

咁先係可持續發展架嘛~

話說我層樓都有個HTC  全名熊子翔

但此HTC 非彼HTC

雖然又係膠,但係另一種膠,係醒目膠,唔似我地既HTC柒膠

同埋佢份人好好, 佢係樓既sec位工作量好大.

但都好願意分時間關心樓兄弟

初初入黎突然好多野做好大壓力,有時比人話, 雖然明白個氣氛真係要認真.

但多少都有d唔開心.

翔仔事後都會關心下我.

有兩次真係覺得好大壓力,唔開心,適應唔到同房既生活節奏想quiz

都係靠佢撈番我番黎.

仲有次食joint樓飯, 個飯遲黎佢又肯陪我食埋先走

跟住我發現漏左件外套係泳池又陪我去拎番

我覺得佢真係好有潛力做來年樓主！

宜家要搞hall 生日..9日每日都要有活動..但就得18個人搞,仲要得番3個禮拜時間..

撞正好多mid-term,, 真係一刻不能放鬆！！加油！

最後..介紹個網比大家

http://www.tianyabook.com/index.htm

可以係網上睇書..宜家訓前我就會睇,好快睇到攰就訓著

雖然係簡體,但你用google chrome 咪已經直接翻哂成個網做正體囉！

walking dead又開季..又要追walking dead,又要睇柯南..唉..

好耐無睇過柯南啦！

岩先窮富翁大作戰..講到Vcity..

以前成日話d舊區翻新點點點我都一路冇咩感覺..

但當發生係自己既社區既時候

感受好深,有d心酸..

有文具店被迫結業.我自己都幫襯過..

因為起vcity.彩玉又貴又無位..

文良話第日要係彩玉擺酒,過多幾年彩玉都唔知仲頂唔頂得順啦..