第一，早上等巴士，排我後面哥位女士，大約大我四，五年，著住緊身白色背心加件黑色外套，（所以上身再更加顯得好豐滿，我都借啲依望左幾眼）再配短裙加高跟鞋。我望下後面睇下有車黎未個時，見到排佢後面個男人眼甘甘咁望住佢。開初覺得都係望兩眼可能冇咩野，但當我第二，三，四次擰轉後面睇下有冇車，個男人嘅視線都係位女士身上，心諗男人都係咁咸濕架喇。之後上車，我坐左上層，佢地坐下層，心諗都冇咩再好留意。之後落車，點知見到個男人坐左位女士對面，我都心諗有冇咁岩呀，特登選佢對面位坐，咁又可能真係多人冇其他位坐。上到地鐵站等車，完全冇諗過會再撞到佢地，位女士係我隔離車廂等，個男人係我依格車廂等，心諗應該冇野嘅。點知車門一開，我眼見個男人特登逼去坐係位女士隔離，其他有男人係隔離嘅空位唔坐，之後佢嘅眼神當然離不開位女士嘅上身。我有諗過去提醒位女士要小心啲個男人，但我又唔知點同佢講就到站要落車喇。仲之成件視覺非禮嘅事，令到我好不安。

 

第二，中午唔小心刮花左隻錶嘅錶面，又冇電停左，好彩條痕嘅白色粉抹得去，但都仲係有好幾條明顯嘅傷痕，心痛死我，唔知有冇得整返。

 

第三，下個月嘅今日我要去澳洲交流，好想係依日之前，得到我同你之間嘅答案。我唔想同你每日都過得好似度日如年咁痛苦。