| NicholasKen |
|
|
暱稱： Nicholas--K[顯示為離世]
性別： 男
國家： 香港
地區： 深水步區 |
| MORE... |
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
最新日誌
日誌分類
我的好友
我的連結
站內搜尋
|
2007 年 4 月 1 日 星期日  |
| Sunshineday=愚人節!! |
今日係愚人節,因為知道..人地讚我都唔會比人玩,呵呵!!
今日訓到11點先起身啊,之後煮左個麵來食..跟住MSN.....下午叫左阿豪來屋企玩!!
之後佢係度玩PS2,我就係度玩電腦.....
玩到4點,就出左街...同阿豪係度玩飛天走壁,但佢隻腳都未算聽話...玩到小小啦!!
之後返左來我屋企樓下....買左支野飲係樓下傾計...太記憶尤新啦,有機會就話你地知啦!!
返左來屋企,就食飯,傾左陣MSN就去返房溫經濟......
返咪聽日放假,.....
|
| 2007 年 3 月 31 日 星期六 |
| 何文田之遊! |
今日都算早起身架啦 9:14分囉! 之後同阿媽攞左D錢,唸住下午同阿昌去何文田交補課既表!! 朝早食左D麵,就係度玩電腦,等到兩點幾,阿昌來左...就叫咪大佬阿達一齊去...係樓下食左飯就撘45號去何文田...之後問咪偉哥個補習班係邊....去到個度都5點囉,差D報唔到名入啊!! 最後都入左BM08,算啦 都係學野姐!!無唸住去玩!! 報完名,就去左偉哥屋企,佢老豆整左D蘿蔔糕我地食,真係客氣!!玩到7點幾就走,阿昌自己走我同大佬佢地一齊行落MK撘MTR!!返左來岩岩播殘酷一叮!! 攞命啊真係!! 之後同阿豪傾左好耐既電話,好耐兩兄弟都未傾過計啦,時間唔算多,但就好難忘!! 跟住都10點幾啦!! 就去左沖涼,今日真係好累啊!!最衰都係阿昌!! |
| 2007 年 3 月 30 日 星期五 |
| 性格?? 改變?? |
okay hi everyone!! Today I woke up at 7:30 and hurry up to go to school!! I met Manson and also go back with him! Frist lesson,Mr chiu talk so much his mind for us....唔打英文啦!! 之後就係咁上堂,...人文堂講Pass Paper!!仲要係兩堂....真係好累囉!! 之後又上中文,英文囉!! 食飯同偉哥都唔舒服..就去左食粥,都好好味啊!!返來後,就會計tset,好彩可以open book啦!! 之後放左學補埋經濟,都4點囉!! 跟住去左打籃球...玩到傻晒!!
返左來...就係度MSN囉!!基本上今個星期就咁完架啦!!!
我既性格有咩要改啊,唔該你地話我知啊!!!反思後....我覺得自己可能太自私啦 或者我真係好小朋友[唔成熟]
自私??我都係想你地好姐.. 都係為左我!! 由而家開始,我會沉默D架啦...而係目前,只會我自己一個.....唔會有女友這回事!!
流浪既路我依然會走....我要我自己堅強同有骨氣!!
|
| 2007 年 3 月 29 日 星期四 |
| 無主題! |
今日都訓到7點半起身,可能就來放假啦,心情都開心D既!! 之後同阿達去買早餐,要我等炒麵等到上返去無得去班房!! 惟有等到上去先食啦....好快手咁食晒,就上英文同中文,英文就派書做report 而中文就對下書既答案啦!! 數學唔知點解上左陣堂昏死係度,到醒個時都小息啦,可能真係老啦!! 地理tset喔,馬上起身睇左陣,唉呀.....有D唔識啊!! 希望合格啦!! 之後食飯.....返來後就係度傾計,我覺得唔係小事喔!! 但你可以應付既,當然要自己解決啦.....午後,宗教堂我地祈禱啦,願世人健康啦....人文睇晒[半斤八兩].期待電車男來臨啦!! 放學就上C班溫左陣書...同肥佬用英文傾計,放心..我唔會lost既!!!我仲要讀大學@.@!!!!返來就係度MSN,打左陣機又去溫經濟啦......
[事業好重要架,所以惟有犧牲自己而家既時間........] |
| 2007 年 3 月 28 日 星期三 |
| 談愛情不如談將來!! |
今日都訓到七點半先起身,本來個電話係六點幾響既!! 點知我聽唔到....之後就返到學校,大談尋日四大天王!! 跟住上堂啦,老趙堂Man姐同MS李來睇堂@.@ welcome啊!! 經濟堂講左均衡啦,明D唔明D啦!! 之後上中文堂,唉~最憎做綜合練習架啦!!又聽又寫....人文同地理都係講下書咁囉!! 聽講電車男會強戰回歸!! 真係好啊!! 唔知會唔會播返黃子華呢>?? 食飯個陣...同阿峰佢地去啦!,點知Hiu佢地都係後邊......佢地一早霸左位,難為我地係度等@@!! 唉~~成好大碗,食到反胃,由於呢排唔舒服,食唔晒D野!!
返左來上英文堂,其實我都算係一個樂觀同睇得開既人,我隻手咁都係因為我自己,無怨and無悔!! 希望你地都樂觀D啊!!
放學返左來就係度MSN囉!! 自己留意既野實在好少,但我都唔想知啦!! 我而家只會做為將來既野!! 首先梗係不談愛情啦!! |
|
