哈哈,今日九點就起左身啦!!之後開機玩game消磨時間囉,玩到5點幾就沖涼啦,因為去同洪爺=.=慶祝生日囉....我地係之前係HIU YEE樓下等既,因為Chris要比份禮物for HIU YEE.....=.=好勁咩!!我比既話仲得意啦>< 哈哈,之後送完咪走左囉,我地首先係[君好]個到等啦,佢話要8:30點先有位喔!! 咁梗係走啦,當時得7:26分,之後就去左元州街呢頭>< 都係無位!! 就去返深水步個邊...都係.....>< 我地兵分兩路咁,終於搵到間啦!! 到個度時,我地個個好似餓鬼咁,係度爭囉!! 我同洪爺最兇狠,佢仲話:食唔死既!!  ><個粒餃岩岩擺落去,就拎上來,佢仲話食唔死喔!! 哈哈,好開心成群人一齊食野,因為大家都有講有笑囉^^  哈哈,我竟然唔記得同Hiu Yee傾SMS囉,因為大家太開心啦,D衫都擺係隔離到=.=唔記得左.....之後食到10:30就走人啦,哇!!埋單要$$112=.=,唉...無計啦!!不過開心係最緊要既^^  食完後,去返麗閣村個邊傾閒計囉.....之後阿達送我地返屋企,勁型...佢行晒成個長沙灣!! 之後返到屋企咪沖涼訓教囉!!    阿達,下次祈禱唔好信耶穌啦,信印度自然之神F4啦[風,火,山,林]=.=

   今日10:30起身啦,之後開著部機囉,點知都無人上線.....又off返啦,係度玩暗黑消磨時間.到1點幾又上返線,同ladies傾左幾句,個個都話聖誕節返大陸or出國旅行=.= 唉~~~我都想出去玩啊!!  算啦........  之後電腦玩到無咩玩啦,就玩ps2啦,哈哈 Joyce都有PS2架=.= 仲係玩真3國!!  真係知己.....  之後玩到5點幾,搵佢傾計啦,點知佢話做緊家務,等陣call我....我就係度等啦,之後唔經唔覺咁訓左zZZZ,訓到而家11點幾先起身.....成幾個鐘就咁晒左=.=,不過真係好眼訓囉 

 唉....而家都好眼訓啊,唔講啦^^"   end..................

  今日,係我第一次做學校既司儀,心情好開心....因為我覺得好掂. 返到學校,就忙緊做司儀既野啦,連會計就寧願唔上囉,同阿昆係度對稿,之後小息就即刻走去禮堂個邊打點一切,直到打鍾就開始啦.....咪同阿昆係台上講咪D爛gap野囉!! 大家都覺得好gap.....到11:30就成個show做完啦,哈哈...遲左成半個鐘囉!! 不過真係好好玩囉^^   完左個show後,咪返課室搞自己班既聖誕party囉.....我地食 Pizza同KFC啊,OK好味啦....仲播住阿琪部MP3既歌添,好好聽^^...之後12:40就走人嚕!! 本來我要跳舞架,但最後都無去囉,因為班兄弟話上我屋企打機喔,OK 無問題啊^^"  之後就係我屋企玩到6點先散BAND囉,夜晚,打完火鍋=.=[唔好再來啦,阿媽.....好熱氣啊,我要煲涼茶啦],就同女士們傾左幾句...咪同Sanji玩game囉........

                         In The End!!    聖誕節來梗啦,祝大家聖誕快樂啊^^,有伴既就玩得開心D啊,無既都唔使灰架,大家可以聽住[寂寞的心]架...我可以同你地傾下計咁架=,=V

  今日唔會講上堂既野,就講聖誕聯歡啊^^!!  哈哈 今日12:40就放學啦,我就好趕咁返左屋企換衫啦,,之後又好趕咁返左學校喔...[我比人話見衫好唔襯我囉=.=] 算數!!  之後就係學校等時間...等到6點就開始我地個聖誕聯歡啦^^ 開始就玩遊戲啦,D遊戲勁無聊,都唔知天主教同學會點做野架=.=  之後咪唱歌囉 哈哈 我唱華DEE既 17歲啊,OK啦!! 唔會好似[走音]個位啊??  唱完就食野啦!! D人好似岩放監咁囉,係咁爭頭位=.= 勁麻煩....  咁我地呢?? 咪等囉...等佢地班餓鬼食完先到我地囉...哈哈,最後剩下個D都幾好味下喔!!  呵呵...我同楠哥合唱啊!! 大家都唱到無晒氣=.=,不過幾好玩!!  最後咪抽獎囉,唉呀.....今年點解我無份架,舊年都有架=.=  之後無咪走人囉.......  我聽日要做MC啊,大家比個面我啊=.=  自我加油中......             

  今日起身就勁凍囉!!平時好大隻既我都怕左呢D,真係[淤]啊!! 之後7:30出左門啦,返到去就啦啦聲咁送左份禮物比Joyce囉!! 之後就上堂LU.... 今日D堂都唔算係上緊堂囉,頭2堂,就係度開D唔知咩會,講咩參加班內既聖誕聯歡囉,勁煩!! 之後3-4就人文啦,講講下就火警演習=.=,唉....人文衰左啦^^ 預左啦,寫咁少point!! 之後中/英文再來睇戲...英文[School Of Rock]未睇完,但中文[霍元甲]就睇完啦...結局好感人.....@.@  之後食飯時間啦,又係譚仔^^  返左來就上會計=.=,我真係頭爆啦......  放學後又補經濟[對卷],之後去左跳舞,哈哈 Hiu Yee,我想睇你跳中國舞個look=.=,肯定好搞笑^^ 之後就去同阿昆.陳敏佢地對稿,大家好搞笑咁講囉........ 5:30返左來啦,就開機^^我阿妹去左大陸玩,呢排我老婆可以休息下啦=.= 之後咪煮好飯等阿媽返來開飯囉!! 之後大家都知啦,就係..................END!!

                                      呢個人....值六千萬??唔好玩啦.  $10都唔知有無啊=.=V