今次嘅夏令營好正,

新、舊嘅導師預備左好多遊戲,

透過呢啲遊戲去認識上帝更多,

令我同神嘅距離又近左一大步。

升上中學嘅生活極為忙碌,

同神親近嘅時間都唔多,

一星期就只有一天。

今次嘅宿營真係令我反思左好多,

雖然每朝都要6點幾起床梳洗去靈修,

亦都雖然我有啲唔願意,

但就係因為呢兩朝嘅靈修生活,

令我諗通左好多野,

放下左一啲不必要嘅仇恨,

去學習愛其他人,

包括自己討厭嘅人,

就好似天父爸爸佢偉大嘅愛一樣。

上帝願意撇下所有嘅榮耀去服務他人,

因為我地係佢嘅寶貝兒女。

其中一個遊戲嘅環節,

就係要我地去嘗試赤腳走上帝當時背住十字架嗰段路,

當然上帝佢行嘅路比我地艱辛好多倍,

儘管係別人犯錯,

慈愛嘅主都會為佢地背上罪名,

因為主好愛我地,

甚至為左我地呢啲嘅罪人而釘身十架,

用佢嘅寶血洗淨我地嘅罪。

去到琴日離開前嘅分享嘅時間,

Anson佢講得好成熟,

令大家都好感動。

主通過導師嘅說話話比我知,

大家成為基督徒並唔係一件僥倖嘅事,

而係一件好寶貴嘅事,

因為係上帝自己親自挑選嘅。

禱告 I Pray     曲、詞：鄭楷

禱告，因為我渺小；
禱告，因為我知道我需要明暸，你心意對我重要。
禱告，已假裝不了；
禱告，因為你的愛我需要；
你關懷，我走過的你都明白。

有些事我只想要對你說，因你比任何人都愛我；
痛苦從眼中流下，我知道你為我擦。
在早晨我也要來對你說，主耶穌今天我為你活；
所需要的力量你天天賜給我，你恩典夠我用。

我們每一次的禱告,

袮都會聽;

我們每一次哭泣的時候,

袮都會為我們擦拭;

我們每一次傷心的時候,

袮都會為我們而痛心;

我們每一次絕望的時候,

袮都會賜予我們勇氣。

上帝袮係最愛我地嘅人,

感謝袮。