ho~ho~

我軍訓完返嚟啦xd

一個星期冇打qz嚕~有冇掛住我呢xd[[某甲:冇囉唔好意思= =

唔好意思呀~唔記得通知大家我要軍訓.....

最衰都係我個"xd呀哥"成日都唔肯比我玩電腦,

搞到我唔記得左qz呢樣野=3= [[某甲:唔好話你冇心裝載....

好!講番軍訓先,

其實一開始我成日都話:

「唉呀!我唔想去呀!「點算」嗰啲,

但係我個心其實一直都好期待呢個軍訓,

我相信有唔少同學都係咁xd

去到中山國防基地嘅第一日,

其實啲飯都唔係太難食,

不過啲彊湯就......勁啃喉=.=

跟住派軍服,我著喺身個個都話:

「呢套軍服真係好襯你」

「你著左之後好有朝氣」

「你著完好型呀」

爆開心xd

「你著左之後好似個女教官」 <---我唔知講咩好=.=

第一日操得都唔係太辛苦,

所以我地夜晚仲(偷偷地)傾到1點xd

間房唔差,不過......個廁所就好有問題=3=

係我最討厭嘅蹲廁[[某乙:咁大陸係咁上下嫁啦=V=

最重要嘅問題唔係呢個,

而係第二日個廁所真係臭到你唔信囧

於是第一天的軍訓就在我們充滿錯愕同興奮之下掀開序幕。

第二日真係好變態,

唔係操嗰啲「齊步走」「跨立」等等,

變態在喺個軍體拳 = =|||呢套野唔難學,

不過就有好多同學都做錯左,

跟住就成班人將一個動作重複又重複,重複唔係乜問題,

不過問題係佢成日都重複喺嗰啲(類似)「金雞獨立」嗰啲囉-3-

再加上又要跳50次青蛙跳.真係腳都斷埋囧

食lunch......又係彊湯....無言了......

之後又操左3、4個鐘,狂打套軍體拳=A=A

重複又重複.....出哂成身汗A= =

齊步走都唔會出得咁多汗囧

不過見到何駿_佢打呢套拳其中一個動作,

我真係笑左<-----當然係忍住啦XD

佢做到好似個變緊身嘅超人咁....哈哈哈哈.......

食完晚飯之後又操到8:30

夜晚我地個個沖完涼之後仲打算傾,

點知訓左張床5分鐘到,個個都訓哂,

冇計啦.....真係攰到乜咁吖嘛......

第二天的軍訓就在我們夾著住汗水、疲憊與埋怨之下渡過。

第三日最後一日,

我開始唔捨得走,雖然係操得辛苦,有時仲會覺得心力交瘁,

不過真係好好玩,而且都學到唔少野.

朝早有實彈訓練,

當我聽到啲「嘭嘭嘭」聲我真係爆興奮,

不過見到同圍啲女仔話咩:「好驚呀...唔打得唔得....」,

我就喺到諗:點解我唔驚嘅.....我係咪變態嫁.....(灰ING)

不過老實講句-----真係好好玩囉xd

我仲想玩多幾次添xd

最後有匯操,結果都係精英班第一,

不過其實我地都操得唔係咁差,

因為我地比平時整齊左好多^____^((雖然唔知係第幾.....

走之前我地同個教官講:

「Good bye and thank you Mr Chan.」<---唔知佢聽唔聽得明xd?

其實有時我地比佢罰青蛙跳,

明明跳唔夠數佢都比我地企番起身,我知佢知道我地有偷懶,

因為佢自己操起碼一次都跳成千下,有乜理由會唔知呢?

再加上我地呢啲汗又算乜野吖,我知道教官佢一定比我地操得更加辛苦,

所以我真係要講番句:多謝你呀  陳教官:)

於是最後一天的軍訓就在我們滿是不捨、感激下結束。