好耐冇打-V-

(不過要有心理準備,我打得好長,冇乜耐性嘅都請睇,因為呢篇係我嘅得著)

好啦廢話唔多講,今次都係講重點,今次仍舊去左提團夏令營,

唔同嘅係頭1日係成個教會一齊去(不過係點我就唔講,因為太悶)之後第二日就正式係提團夏令營,

開始見到啲組員有啲驚同有啲抗拒,真係分得好散,分得個啲都係勁勁勁唔熟,仲有三個form1男仔,

但係相處落原來大家都好好,只係大家都唔熟先係咁其實自己身為組長但同班組員唔係咁熟,跟住自己又唔知點好,

每次分享個時,個個都dead air哂,如果唔係bonnie同呀昇佢地係到咁努力搞氣氛,我諗我地真係會繼續咁dead,

而且我地個組分享都係feel free講乜都得,雖然我地唔係最團結同表現得最好個組,

但係我地個組名同cheers真係留下一個好深刻嘅印象比大家,睇住個個都係到做,

個刻真係好開心,"bonbonbonbon昇昇昇昇bonbon昇昇組"好勁^^

而且最感恩係組入面個三個男仔雖然有啲靜靜地,但jimmy sun真係好qq,又聽我話,好乖仔^^

逼迫game要捉田雞,初初都驚驚地,但要我講:「我唔係基督徒」我真係做唔到,其實睇落去真係唔係好驚.

但佢地一跳就嚇死我,但為左主,豁出去啦!!之後捉到啦!!雖然佢好似好恐怖,但摸落去其實又幾得意^^

鴨仔行超辛苦,但我都係講唔出「我唔係基督徒」呢幾個字,相反,我因我係基督徒而感到驕傲!!!!!

之後有人性game,最深刻係食物遊戲,導師比我嘅指示係第一同第四嘅食物都係有毒,

就要呃其他組嘅同伴去食,雖然我冇呃到佢地,但個兩樣野始終要有人去食,

但個刻我竟然想推比其他人去食(但無奈最後比人逼左去食),就係因為自己唔想食完之後肚痛,

就好想推比人食,後來反思番自己好衰,完全唔顧人地,真係好慚愧

夜晚個陣班導師做番耶穌受難曲嘅情況,呀昇佢扮演耶穌比人掟雞蛋,又比人鞭打,我睇得出真係好痛,

之後睇番電影,雖然係第二次睇,但感動依然,冇喊,可能因為今次我睇個意義得好重

導師學耶穌一樣幫我地洗腳,好感動,其實睇得出佢地咁多個對我地真係好好,

佢地同主比左咁多我地,我地成究竟比番啲乜野比佢地?

第二日check point搵寶藏,開頭我地玩好第一個game之後拎個提示係耶穌復活左,

初初我根本就諗唔明呢個hins同寶藏有咩關係,一心睇左之後仲係到諗住寶藏,

跟住呀蓉同creamy走左過嚟講:「耶穌復活左啦,你地做咩仲係到玩?」係呢刻我先再諗番起,

係喎耶穌復活左,點解我唔係去搵佢呢?之後呀雪就同我地講:「耶穌就喺35號宿舍,你地去搵佢啦」

之後我終於覺悟--其實最重要嘅係耶穌 於是成組就跑去搵耶穌,個刻我唔理自己係咪跑得好攰,只係一直跑番去搵耶穌,

心入面一直同主同主講對唔住,我只係掛住玩,完全唔記得左主已復活!!完全唔記得左前日受難曲嘅事!!

最後我地搵到耶穌(呀昇),個刻我激動得跪左落嚟喊,叫「主呀!!」袮的信實極其廣大!!!!

夜晚先係重頭戲碼--敬拜讚美會,原來幾個團一齊worship嘅感覺係更感動,

尊貴榮耀君王　在全地之上   願萬民都喜樂　全地都喜樂
主你滿有榮光　黑暗都躲藏   萬民高聲唱　齊來高聲唱
我神　真偉大    歌頌你聖名　真偉大
全地都看見　我神　真偉大
昔在永在君王　從今直到永遠   你從不曾改變　永存在天地間
你是三一真神　父子與聖靈    真神的羔羊　全能神羔羊
我神　真偉大    歌頌你聖名　真偉大
全地都看見　我神　真偉大
你至聖尊名　配受大讚美    全心歌頌　我神　真偉大

唯有呢首歌係令我感到到喊左出嚟 我神 真偉大 只有主係我最失意時,先能夠賜我平安,

朋友只可以比到我慰藉,但唔可以比到我平安 你至聖尊名　配受大讚美    全心歌頌　我神　真偉大

舉起雙手,全心歌頌你,敬拜你讓你榮耀充滿全地,因袮對我的愛獨一無二,深知道袮是我唯一,我神真偉大!!!!!!!!

幫人祈禱,睇住大家係到喊,覺得好感恩,主呀,你看你的兒女在為你落淚,在全然向你禱告!!!!

重拾信心 尋回起初的愛心 原來主愛未離棄 眷顧我已成就救恩

冇錯,即使自己做得幾唔好,甚至去猜疑主,有一段時間離棄左神,但原來當自己回眸一望,主一直係到等我地再搵番佢!!!!

耶和華真在這裡、我竟不知道．(創 28:16)

耶穌釘十架為我地贖罪,其實係邊個咁做?係我地呢班罪人!!係我地親手將主釘上十架!!

感謝你的十字架  感謝你付上代價  擔當我罪和羞愧  使我完全下奇妙恩典
感謝你無比大愛  感謝你釘痕雙手  寶血洗淨我汙穢  使我瞭解  你完全包容
神羔羊配得  坐在寶座上  頭戴著尊貴冠冕  你到永遠
來尊崇讚美  耶穌神兒子  從天降下被釘架  神羔羊配得

主呀感謝你,我會記得我當日嘅立志,願為袮而勇敢走出去!!!!!!!

主袮的信實極其廣大!!!!!