今日要番學呀！開心呀！又可以見到ｄ同學仔...
　　　番到學校見到琳＋雯，去新玻璃房睇下課室係邊...
　　　@.@ 嚇傻左呀,在6樓呀,4樓都行死左啦...仲要去6樓...
　　　希望開學果陣唔係在6樓啦...番到課室,坐番自己個位...
　　　之後比作業隔壁位檢查,我同碧森就係度傾計...
　　　李sir又係度,哈哈~之後講邊個係我地班主任...
　　　我地班主任係房順芳+神祕人...
　　　跟住miss Fan話佢要走啦,唔教我地lu~不過心情冇乜野...
　　　之後李sir叫我+珈雯+琳負責搞BBQ...
　　　傾得幾好啦...傾呀傾呀...又放學lu...
　　　番屋企,汁野,番大陸啦...好開心呀!11號就番番黎啦...
　　　好掛住東東,珊珊,威威,瑩瑩仲有康哥哥...
　　　先番姨媽到...去到姨媽度,已經好晏啦...
　　　媽咪d朋友約佢去食飯,之後媽咪帶埋我去...
　　　8點幾,我叫媽咪帶我去拉頭髮...
　　　媽咪就話好啦,我叫珊珊陪我,不過我知珊珊有d唔想...
　　　不過又唔想拒絕我,咁又係,拉個頭都要幾個鍾啦...
　　　最後珊珊都陪我去,好開心呀!!珊珊我好愛你呀...
　　　之後去媽咪個朋友度先,等左個姨姨一陣,佢叫我地去先...
　　　跟住就去拉啦..整呀整呀,整左好耐之後先拉...
　　　拉拉下,又有一個人走過黎幫我拉,變左有2個人幫我拉...
　　　一個左一個右,好無奈...比人勁扯個頭,好痛呀...
　　　又比個夾辣到隻耳仔好熱呀...
　　　拉完1點幾,好夜呀,番姨媽家,同康哥哥傾左一陣就訓啦...