今日係註冊日呀，好開心呀！！我要番學校當場，宣傳紅十字會,等d人入會！！

　　11點幾起身．．．食野，換制服．．番學，約左康康，家姐同墨如一齊番學，等車車果陣，

　　我先發覺自己唔記得左帶章呀，瘀晒皮，番屋企帶番個章，搞到無得同佢地一齊番學，

　　其實因為我今朝熨衫果陣除左個章之後又唔記得帶番，真係好蠢呀！！

　　番到學校超爆熱呀，個背脊差唔多濕晒．．．好彩禮堂有冷氣，一陣就涼番晒．．

　　超好笑呀，一有人入黎，勁多軍d人沖埋去，張d單張比晒佢．．．我地軍最好，慢慢講解比d人聽，

　　我講到口水都乾啦！！！今朝食得好少野就番學，搞到勁肚餓，超慘，好彩李sir好好人，請我地飲野！！

　　隔離軍ｄ人好衰呀，搶我ｄ人，過分呀！李ｓｉｅ仲好笑，成日都係我地ＲＣ到玩！！

　　thank you sir ！！４點半，莫ｓｉｒ叫收野，之後全部軍就開始收野啦！！

　　之後我，墨如＋康康就等家姐，因為莫ｓｉｒ叫家姐去搵佢拎野，等左超耐．．．

　　等到得番航空同少年領袖團，佢先番黎．．．終於可以走得啦．．．唉∼

　　唔知下年有咩人入會呢＞．＜唉∼下年康康＋呀ｓａｎ＋彤彤都唔玩啦！！真係慘啦！

　　唔知下年邊個做總隊長呢？好耐未試過４個（我＋康康＋家姐＋墨如）一齊放學啦！好開心呀！

　　番到屋企即沖個靚涼，之後就到家姐沖，我就打日記！！跟住就食飯啦．．．

　　聽日又要番學啦！！！一定悶死左啦．．．我又無獎拎！