今日10點先起身,約左佢地11點係學校等...死火,遲左起身...

   即換學服+整頭髮,家姐要約左同學去整banner,不過唔係係學校...

   家姐好好人呀,幫我整埋早餐,多謝晒,錫晒你呀!!10幾珈雯打電話比我,同我講今日係學校假期,

   唔知學校開唔開呀...最後都番左,去到學校,珈雯佢地到晒除小儀,佢地話學校唔開呀,

   我地去左卓爾居3樓最入嗰度整,唉~整左一陣就比人趕走左,好慘呀!!

    跟住去左咩咩小學籃球場整la..爆熱呀_ 又多蚊喎,好慘呀!!我同琳仔比蚊咬死左啦...

    咬左10幾20粒呀!!成隻腳都紅晒,好痕呀!!好可憐呀...整左一陣,已經成身汗啦...

    好辛苦呀!!整到3點幾,個banner差唔多整好啦...好開心呀,差d日文字咋...

   之後我地就張舊banner拎番學校啦!!等左好耐都冇人出黎開門,嗚嗚...好熱呀,我要番屋企呀... 

   3隻字後,終於有人啦...開門_放低d野,我地就走啦...唉,好累呀,成身都累晒...番到屋企即沖個靚涼,

    家因媽咪同個姨姨 番左大陸,冇人煮飯比我地食,家姐又同同學去街食,我又唔識煮野食...

    so最後去買飯盒食...食到好飽飽呀!!