平時番學都唔願起身o既我,今朝我痴左線,無啦啦6點就起左身,行出廳見到珊珊同塋食緊早餐,
我以為自己發夢tim...呵呵~跟住我又到番去訓,訓到6:30a.m..又醒...無奈!
想訓又訓唔番,之後上2樓搵牙刷, -O-晒咀,我搵唔到支牙刷,跟住又走落一樓問婆婆..
然後婆婆去搵比我,我又走番上2樓刷牙仔啦..刷刷下...我見到威威好快咁o係房行出黎,
我以為自己撞鬼,威明明番左學點解會係房走出黎..嚇到我差d掉左支牙刷...呆左一陣,
又繼續刷牙...刷完換衫扎頭髮..之後就同媽咪去食早餐...想叫埋家姐去..打開房門,
就見到佢訓到成隻死豬咁,又走去另一個房門,想叫細老去,又見到一隻大肥豬....
無奈~只好我同媽咪一齊去啦~媽咪帶好去佢朋友間店到食早餐,個姨姨整d粥好好味嫁,
我地叫左2碗,食到好飽飽呀~食粥果陣發生左d好得意既o野,就係食緊粥時,媽咪指住左
男人,同我講係我姑丈,我O晒咀,我完全未見過d個人,佢同我講係我姑丈,超無奈又好笑!
食完野,行左陣街,因為d人番晒學番晒工,好少人行街...無聊得制,就番左屋企,之後我又
走左去睡...11點幾珊珊番黎食午飯啦,食完野,我地走左去玩...玩到2:00p.m珊珊要番學啦,
珊番左學,我又準備去睡覺,但媽咪話帶我地去朋友去玩,我見無野做咪跟住去囉,家姐唔去,
細老又唔知走左去邊玩,得我跟媽咪去,無奈!玩到5點到,姨姨(媽咪朋友)個仔放學番黎,
個哥哥準備入廳見到我同媽咪即彈左入房,好似好驚我地咁,我睇都睇唔到佢個樣,
但係我見到佢好高,我諗都有1.75m-1.77m高,3個字後..我地就走啦,走之前姨姨帶媽咪同
我去個哥哥個房,話問個哥哥記唔記得我媽咪,姨姨仲同我講以前細個個哥哥成日去我屋企玩喎,
不過我一d印象都無..!!番到屋企,排隊等洗白白,7點幾我洗完出黎個個差唔多食晒飯(除左大人)..
跟住家姐話去珊珊學校玩,我都想跟去呀,不過我又未食飯..最後我都選擇去珊學校,
其實去珊學校都幾驚嫁,珊佢間學要學生夜晚去溫習,我地係偷偷地跟住去嫁咋,
入到佢班房,佢d同學同我地打招呼,因為我地之前同黎過一次,所以佢地都無咩野...
玩到10點,終於放學啦,好肚餓呀!!番到屋企,我比人鬧..話我無食飯就去左玩...
之後婆婆整番熱d野比我食...食完我地就睇電視...我睇到差唔多1點就去訓啦!