今日起身玩左陣電腦食個飯就番工，得自己一個番，唔知點解冇咩心機，落野都慢左好多，好彩今日阿雞佢地有番，如果唔係又要罰留堂清潔埋"班房"先走得，夜晚十點，外星人侵入地球呀，成2x個阿叉同時買野食，廚房忙到跳舞，d野又收晒，乜都要炸，肥鳳做Caller，叫香港人做地球人，阿叉就叫外星人，好搞笑，差地球人野就好快有，外星人就要成十分鐘，最搞笑就係問差咩人野果陣有人答差外星人野，哈!~忙完四個字就冇咩人，十點半就出事啦，原來佢地係出面打杖...成地炸彈(汽水)同子彈(薯條)，Lobby條友又唔做野，之後要Yoyo同Tong出去幫手清理，終於十一點，幫佢地換埋牌就閃左嚕，番去果陣打電話同M仔傾左陣，好耐冇同佢傾計嚕，感覺幾好，前日眼鏡瓜左，搞到依家變左瞎頭烏蠅，好多野都睇唔清，不過都好既...好奇心都降低左!~唉，訓嚕，聽日小學同學會，期待!~