21---24度!?見到都啞晒，熱到飛起，今日超少人番，成班得21人....上咩堂呀??PE冇人上，阿峻就就叫我連線玩SEED，玩左成堂個阿Sir都唔理，之後果堂都玩埋，哈哈!~過癮，下午上完第十堂個個諗住走，點知廖逸文已經企左係出面，個個都係到唉...冇計佢真係好鬼煩...好彩四點三放，之後陪阿明去還書加借書，經偉打黎，話唔見左隻錶，番到屋企都搵唔到，姐係又俾人偷左，成千銀就咁飛走左...如果知道係邊個佢就死硬...應該會同病床做朋友啦!~五點半到，阿Jack，M仔，明仔，輪流打黎叫出去...奪命追魂Call咩....聽完一個唔夠五分鐘第二個就打黎，結果就只好出去啦=.=...出到去得玩左四蚊，之後就同明仔係到玩PSP，阿Jack玩隻Seed玩到停唔到手，M仔就連明仔部機都想囉埋走，哈哈，好搞笑呀!~早上Send SMS俾Kiko，冇反應，放學打俾佢又冇人聽，冇帶電話!?