情人節就快到,周圍嘅媒體都不斷暄染浪漫.

浪漫...

對於你o黎講,

咩係浪漫呢?

試過,見最浪漫嘅事又係咩呢?

Dictation嘅英文生字中,"romance"一字被miss翻譯為"虛構的情節",

我o地都好愕然,唔係"浪漫"或者"羅曼蒂克"咩?

miss解釋,因為那些都不是真實的,純屬虛構的想像.(可能係課文內容嘅緣故啦)

其實都無錯嘅,

平日那些些青春浪漫廣告,電視劇,

都無法讓我有浪漫的感覺,

感覺上都不過為想"愛情"而"愛情",為著"浪漫細胞"而"浪漫".

今日上論壇,睇到一張名為"即使老了仍然愛你"嘅帖,

帖內嘅一張張,一對對老夫婦,老情人嘅相.

咩係浪漫?

睇到帖內嘅相,

我體驗到了.

大家回嘅帖,都話,呢D就係"執子之手,與子皆老"

記得舊年為影片搜圖嘅時候,

見過一張相,一張黑白相,

熙來攘往嘅街道,有一對老夫妻落樓梯嘅背影,

老伯走在前方,左手執拐杖,右手拖扶住老婆婆嘅手.

背景嘅人群模糊,加上係黑白相,令我有一種他們扶持走向另一個世界嘅感覺.

乎合o左一句說話"生死契闊,與子成說".

在我心目中,這才是真正的感情,真正的無悔,真正的浪漫.

生死契闊,與子成說.

執子之手,與子皆老.