今日要補2粒鐘呀~勁慘呀!好彩6月先係咁姐~

      今日地嗰班真係有個訓導上咗黎,話咩佢好傷心喎~咁我咪仲傷心囉!?我唔見咗一大束PEN呀!前日有人唔見$,key & note都可以唔見囉(note)!咁都得囉!note都偷得!得曬囉~我以後唔會(永遠)都唔會伶貴pen番學校!因為成日都會比人偷囉!佢討厭丫!我其實一早知邊個偷pen!但係我唔知佢係咪今次個賊仔丫!?件事根本就未查清楚,我唔敢話係佢做呀!仲有7日咋~做埋呢7日喇,升上中2就咩喇!費事我地嗰班搞到咁疆喇~今日我同個人呢做咗朋友(本來我地大家唔係幾鐘意大家嫁~)但係我都唔知點解會做咗朋友囉!o 曬囉~我地好似好好嘅朋友咁--有講有笑~幾好喎!我啲中史..........唉...唔好提喇!

      我根本一直盯緊一個人嫁,嗰個係張(海)添喇!唔知點解我對佢嘅感覺唔係幾好咋!可能係佢扮曬野喇~講起呢樣野!我諗起佢之前呢話咩唔知咩叫(exciting)喎~連Miss都話"你係咪 呀,真唔真呀?" miss張都無眼睇.....唉..... 

      張 (海)添其實呢...................一直都對寶寶好感嫁喇!宜寶寶都知呢件事嫁!姖同嗰個唔知(衰)嘅張(海)添講過勁多次唔會鐘意佢嫁喇!但係佢經常都無事獻殷勤!好心佢喇!人地都話咗唔鐘意佢喇!佢咁做簡直就係多餘喇!  

      我真係好掛住曾稚美呀!唔知佢做緊咩呢!?打緊機?番緊學?睇緊電視?我真係唔知到~我係知到我地嗰班永遠都會咁掛住佢!因為佢一直都會o係我心裡面!雖然我咁講係比人覺得好扮野!我同佢識咗2倨學期,唔似譚芷晴同尹麗真佢地咁,一開始就識佢,但係都叫做同佢做過朋友,都叫做因為佢要fly過去美國而流過朋友要走落嘅淚,如果我地嗰班某幾個同學見到呢編野而o係度話我嘅!咁算囉!我就唔信佢地一啲都無掛住佢,我唔會信!因為o係嗰個歡送會嗰度,個個在場嘅同學都流過唔舍得佢嘅眼淚~呢樣野我可以好肯定!因為我嗰個都在場,見到個個都--喊苦喊忽咁~好明顯咁顯示咗出黎喇!大家都會好掛住佢!

      我唔講喇!我怕我講講下,會成隻眼都係眼淚呀!希望佢會睇到~

88=]