好簡單咁寫低呢幾日年假做過0既事：
星期一：
拎份文件返慧妍俾李太>>
約左LY去佢灣仔做0野間髮型屋探班(希望佢生性，唔好再成日轉工，畢竟依家要自力更生，唔同讀書果陣)，順道買左佢哦我要買0既老麥早餐(份量夠食兩餐架喇，唔好成日慳錢唔食0野-_-)>>
見一見三毛(原因：秘密)>>
美食博覽(沿路竟然撞到三毛 ；掃左0的迷你冰皮月餅，即食香草芝士通粉，一大袋道地飲品，又試左0的龍躉魚皮餃，雪糕餅......)
星期二：
約左鳴，秀去食老麥，傾左好多學校0既事，之後一齊去PAGE ONE睇書，佢地似乎幾喜歡果度0既氣氛>>
同我好姊妹易拎去觀塘飲茶(兩個月無見，雞啄唔斷，但因為路易士0既事令佢又狂喊一場。傻妹，過去事，過去了。雖然你內心會為佢以前點解要隱瞞你而耿耿於懷，但依家佢都視你為一家人，俾你一個公開0既地位，你已經比我幸福，所以無乜必要去望番以前個傷口。)，之後轉戰去APM食「超級三文治」，繼續女人偈~
星期三：
打信，寄信，順便去郵局拎包裹，因為yahoo拍賣番來0既博益版《挪威的森林》終於寄到0黎，拎住呢套書好開心，上下集闊別兩年，終於重逢喇！翻開，充滿回憶0既博益版《挪威的森林》，好多感觸....>>
同劉寶忠兩兄弟去旺角食壽司(劉寶俊份人好有趣，御宅族專家；阿忠繼續擔心前途，我又係...)，之後一齊去「木」Cafe食花荼，兼齊齊玩UNO，慘敗俾阿俊，滅時井真遜-_-
之後？有個旅行等緊我，已經執好行裝，寫低左一0的野，希望唔好用到。有好多同學生0既事同問題未解決，但好可惜暫時無時間去解決，我必須上路........
多謝一路以來同我相遇，互相勉勵過，感動過0既你地。他日我回程0既時候，希望仲會見到你地！
|
