今日阿峰約埋我出去玩，見到真人，佢同肥仔腳步浮浮，以為佢地飲過酒，原來佢地只係玩通頂訓唔醒，沿路真係要扶住阿峰行。

三個人結果走左去王家沙醫肚，小籠包，擔擔麫，紅油抄手加支啤酒。峰掛住愁枝0既事，杯酒都無飲到，又係我一個人隊晒。

雖然我都有事唔開心(他日另書原委)，但見峰同肥仔仲愁過我，我都好本能地開解左佢地先。之後埋左單，佢地建議搵多毛出黎玩，

四個人碌左去灣仔唱k，當然，唱得開心，又食得開心，500蚊，絕對唔介意用呢舊錢去換呢種快樂。

離開左慧妍呢個第一個星期，好多野都好唔慣，一來見唔到可愛，對人真誠0既學生，二來，工作唔再忙，個人有0的鬱鬱寡歡。好彩0既係，科技進步，每晚電腦都見到你地，但，一定係見到你地真人會比較開心。

峰，肥仔，多毛，多謝你地俾我一個快樂0既星期日！