曾經同一位舊朋友去講寫網誌嘅原因，就係想記低自己嘅成長過程,心路歷程，俾一個機會自己將來可以俾自己重溫，反思。最近我開始睇番幾年前嘅網誌，覺得以前文筆係比較好，但依家就人生閱歷深左，對好多事情睇法又唔同左，有好多內容都值得去重新改寫。網誌裡面，我見番好多每個唔同嘅自己，同佢地握過手之後，我又創造一個新嘅自己，放番自己嘅私人王國裡面。新舊自己互相交會，見証住自己嘅成長！