通常打廣東話嘅時候，就係講自己生活。

平安夜，本來唔出街，但大時大節，一個人0係屋企實在太「寂」，太有壓迫感。結果適逢有位被爽約嘅朋友，咁一齊去飲酒啦。去到旺角，間間吧都爆場，咁......去大良食個宵夜。一個棉花冰，一個冰花雪耳，兩個人，談話家常，內心好暢快。其他人睇落可以話：「好無聊0者，有燈飾唔睇•有酒唔飲。」不過，有時候，有朋友嘅出現就係將無聊嘅行為都變得有佢嘅意義。我形容佢呢種行為係「雪中送炭」。

雖然我唔係你尋晚約會嘅首選，但仍然感激你帶俾我內心平安嘅一夜！